મારા મતક્ષેત્રની સમસ્યાઓ રજુ કરવા કોંગ્રેસી સભ્યોની મદદ લેવી પડતી

લોકસભાનાં પૂર્વ સ્પીકર અને સિનિયર નેતા સુમિત્રા મહાજનના નિવેદનથી ભાજપમાં આંચકો

નવી દિલ્હીઃ લોકસભાનાં ભૂતપૂર્વ સ્પીકર અને ભાજપના સિનિયર નેતા સુમિત્રા મહાજને કહ્યું હતું કે મધ્ય પ્રદેશમાં ભાજપની સરકાર હતી ત્યારે મારા મતવિભાગ ઇંદોરની સમસ્યાઓ રજૂ કરવા મારે કોંગ્રેસી સભ્યોની મદદ લેવી પડતી હતી.

સુમિત્રાનું આ વિધાન ભાજપને શરમજનક પરિસ્થિતિમાં મૂકી શકે છે. ભાજપમાં ત્યારે કેટલી હદે અંદર અંદર ખેંચતાણ ચાલી રહી હતી એનો પુરાવો મહાજનનું આ વિધાન છે. સુમિત્રા ઇંદોરના સંસદસભ્ય હતાં. છતાં ભાજપના સ્થાનિક નેતાઓ તેમની વાત સાંભળતા નહોતા એવું તેમના આ વિધાન પરથી સાબિત થાય છે. તેમના આ વિધાને ભાજપમાં અંદર અંદર ચાલતી ખટપટને ખુલ્લી પાડી હતી.