અમેરિકી સંરક્ષણ મંત્રાલયના વડામથક પેન્ટાગોન બહાર ભારે ફાયરીંગ : અનેક ઘાયલ:પેન્ટાગોનને લોકડાઉન કરાયું કોઈને બહાર જવાની મંજૂરી નથી

વિશ્વમાં સૌથી સુરક્ષિત જગ્યામાં મેટ્રો સ્ટેશન નજીક અંધાધૂંધ ગોળીબાર કર્યા બાદ હુમલાખોર રસ્તા પર ફરી રહેલો દેખાતો હતો: આ ઘટનાથી વિસ્તારમાં તણાવ સર્જાયો

 પેન્ટાગોન અમેરિકાના સંરક્ષણ વિભાગનું હેડ ક્વાર્ટર છે અને વિશ્વમાં સૌથી સુરક્ષિત જગ્યા ગણાય છે. આ દુનિયાની સૌથી મોટી ઈમારત ગણાય છે જે લગભગ 29 એકરમાં ફેલાયેલી છે. ઉત્તરથી શરૂ થઈને ઘડિયાળ કાંટાની જેમ પાંચ એન્ટ્રીના રસ્તાઓ છે. 1) ધ મૉલ ટેરેસ, 2) રિવર ટેરેસ, 3) ધ કોન્કોર્સ (અથવા મેટ્રો સ્ટેશન), 4) ધ સાઉથ પાર્કિંગ અને 4) ધ હેલિપોર્ટ. આ ઇમારતનું નિર્માણ બીજા વિશ્વ યુદ્ધના સમયમાં શરૂ થઈને 15 જાન્યુઆરી 1943 સુધી ચાલ્યું હતું. આ નિર્માણમાં 8 કરોડ 30 લાખ ડોલરનો ખર્ચ થયો હતો.

 

યુએસ મિલિટરી હેડક્વાર્ટરની બહાર કેટલાક લોકો ઘાયલ થયા હોવાનો દાવો કરવામાં આવ્યો છે. એજન્સીના પત્રકારોએ પોલીસને 'શૂટર્સ' વિશે બોલતા સાંભળ્યા છે પરંતુ ગોળીબારની સત્તાવાર પુષ્ટિ થઈ નથી.

મીડિયા રિપોર્ટ અનુસાર પેન્ટાગોન બહારના મેટ્રો સ્ટેશન નજીક અંધાધૂંધ ગોળીબાર કર્યા બાદ હુમલાખોર રસ્તા પર ફરી રહેલો દેખાતો હતો.