જમ્મુમાં પોલીસના હાથે ઝડપાયેલો આતંકવાદી ભાજપના આઈટી સેલનો પૂર્વ પ્રમુખ હોવાનું બહાર આવ્યું
ભાજપે આ વર્ષે ૯ મેના રોજ લેટરહેડ વાળા નિવેદનમાં તાલિબ શાહને જમ્મુ ક્ષેત્રના આઈટી સેલના વડા બનાવ્યા હતા.
ભાજપના આઈટી સેલના પૂર્વ વડા પાકિસ્તાન સ્થિત લશ્કર-એ-તૈયબાના આતંકવાદી કાસિમના સતત સંપર્કમાં હતા. તે તાજેતરના ઓછામાં ઓછા ત્રણ વિસ્ફોટોમાં સામેલ હતો. આ સિવાય તે નાગરિકોની હત્યા અને ગ્રેનેડ વિસ્ફોટમાં પણ સામેલ છે.
આતંક ફેલાવવા માટે છુપાયેલા લશ્કરના બે આતંકવાદીઓ ભારે દારૂગોળા સાથે ઝડપાયા છે. આ આતંકવાદીઓ જમ્મુના રિયાસી વિસ્તારમાં છુપાયેલા હતા, જેમને ગ્રામજનોએ પકડીને પોલીસને હવાલે કર્યા હતા. મુખ્ય આતંકવાદીની ઓળખ તાલિબ હુસૈન શાહ તરીકે થઈ છે. ભાજપે આ વર્ષે ૯ મેના રોજ લેટરહેડ વાળા નિવેદનમાં તાલિબ શાહને જમ્મુ ક્ષેત્રના આઈટી સેલના વડા બનાવ્યા હતા.
મીડિયા અહેવાલો અનુસાર, શાહની નિમણૂક સમયે, જમ્મુ અને કાશ્મીરના બીજેપી લઘુમતી મોરચાએ એક આદેશ જારી કરીને કહ્યું હતું કે, "શ્રી તાલિબ હુસૈન શાહને દ્રજ કોત્રંકા, બુધન, (રાજૌરી જિલ્લા)ના નવા આઈટી અને સોશિયલ મીડિયા પ્રભારી તરીકે તાત્કાલિક અસરથી નિયુક્ત કરવામાં આવે છે. આતંકવાદી તાલિબ હુસૈન શાહની તસવીરો જમ્મુ-કાશ્મીર બીજેપી અધ્યક્ષ રવિન્દ્ર રૈના સહિત ભાજપના અનેક વરિષ્ઠ નેતાઓ સાથેની પણ સામે આવી છે.