વધુ ૭પરર ગામડાઓને હાઇબેન્ડ વીથ કનેકટીવીટી અપાશેઃ ઓનલાઇન સેવા માટે ડેટા રીકવરી કેન્દ્ર
ગાંધીનગરઃ નાગરીકોને જીલ્લા અને તાલુકા કક્ષાએ પ્રાપ્ત થતી નાગરીકલક્ષી સેવાઓ પોતાના ગામમાં જ મળી રહે તે હેતુથી મુખ્યમંત્રી શ્રી વિજયભાઇ રૂપાણી દ્વારા ડીજીટલ સેવા સેતુ કાર્યક્રમની શરૂઆત કરવામાં આવેલ છે. આ નવછતર કાર્યક્રમ થકી ૫૫ જેટલી વિવિધ સેવાઓનો લાભ ૯,૧૧ર ગામડાઓમાં ત્રીસ લાખથી વધારે લોકોને આપવામાં આવેલ છે. આ વ્યવસ્થાને સુદ્રઢ બનાવવા માટે રૂ). ૧૬ કરોડની જોગવાઇ.
ભારત નેટ પ્રોજેકટ હેઠળ ફેઇઝ-વનમાં અત્યાર સુધી રાજયની ૬૪૬૦ ગ્રામ પંચાયતોને હાઇ બેન્ડવીથ પુરી પાડવાની કામગીરી પુર્ણ કરવામાં આવેલ છે. ફેઇઝ-ટુ માં વધુ ૭પરર ગ્રામ પંચાયતોને કનેકટીવીટી પુરી પાડવા માટે રૂ. ૧પ૪ કરોડની જોગવાઇ.
સાયન્સ સીટી ખાતે ફેઝ-૧ પ્રોજેકટ અંતર્ગત આઇમેકસ થીયેટર, મ્યુઝીકલ ફાઉન્ટેન અને કેફેટેરીયાના નવીનીકરણ માટે તથા ફેઝ-ર પ્રોજેકટ હેઠળ એકવેટીક રોબોટીકસ ગેલેરી તથા એસ્ટ્રોનોમી અને સ્પેસ સાયન્સ ગેલેરીના બાંધકામ માટે રૂ. ૮૦ કરોડની જોગવાઇ.
રાજય સરકાર દ્વારા આપવામાં આવતી ઓન-લાઇન સેવા સંદર્ભે ડેટા રીકવરી સેન્ટરની સ્થાપના માટે રૂ. ૬પ કરોડની જોગવાઇ.
બાયોટેકનોલોજી ક્ષેત્રે ચાલતા સંશોધનથી ઉદ્યોગ પર્યાવરણ, મરીન અને જીનોમ જેવા ક્ષેત્રોને લાભ મળે તે હેતુથી સ્ટેટ ઓફ ધ આર્ટ બાયોસેફટી -લેવલ ૩ની લેબની સ્થાપના માટે રૂ. ર કરોડની જોગવાઇ.