કેન્દ્રના કૃષિ કાયદા વિરુદ્ધ રાજસ્થાને પાસ કર્યું બિલ:ભાજપના ધારાસભ્યોનો વોકઆઉટ
ગૃહમાં હંગામા વચ્ચે ખેડૂત સશક્તિકરણ અને સંરક્ષણ સંશોધન બિલ પાસ
જયપુરઃ કેન્દ્ર સરકારના કૃષિ બિલો વિરુદ્ધ રાજસ્થાન વિધાનસભાએ કૃષિ સંશોધન બિલ પાસ કરી દીધું છે. ગૃહમાં હંગામા વચ્ચે ખેડૂત સશક્તિકરણ અને સંરક્ષણ સંશોધન બિલ પાસ થયું હતું. આ દરમિયાન ભાજપના નેતા નારેબાજી કરી ગૃહમાંથી બહાર નિકળી ગયા હતા.
ગેહલોત સરકારે શનિવારે વિધાનસભાનું વિશેષ સત્ર બોલાવ્યું હતું. આ સત્ર કેન્દ્ર સરકારના કૃષિ કાયદાને સમાપ્ત કરવા માટે બોલાવવામાં આવ્યું હતું. તે હેઠળ ગૃહમાં છ બિલ રાખવામાં આવ્યા હતા.
સંસદીય કાર્ય મંત્રી શાંતિ ધારીવાલે ગૃહના પટલ પર કેટલાક મુખ્ય બિલ રાખ્યા જે આ પ્રકારે છે- કૃષિ પેદાશ વેપાર અને વાણિજ્ય સંવર્ધન અને સરળીકરણ રાજસ્થાન સુધારો બિલ 2020, ખેડૂત સશક્તિકરણ અને સંરક્ષણ, ભાવ ખાતરી અને કૃષિ સેવાઓ રાજસ્થાન સુધારણા બિલ 2020, વિશેષ જોગવાઈઓ અને આવશ્યક રાજસ્થાન સુધારણા બિલ 2020, સિવિલ પ્રોસિજર કોડ રાજસ્થાન સુધારણા બિલ 2020.