કોંગ્રેસના ધારાસભ્ય લલિત કગથરાના પરિવારના 22 સભ્યોનો કોરોના રિપોર્ટ પોઝિટિવ

કગથરાના દીકરા, દીકરાના પત્ની અને ભાઇ સહિતના સભ્યો કોરોનાની ઝપટે : ધારાસભ્ય કગથરા અને તેમના પત્નીનો રિપોર્ટ નેગેટિવ

ટંકારા પડધરી વિસ્તારના કોંગ્રેસના ધારાસભ્ય લલિત કગથરાના પરિવારના 22 સભ્યોને કોરોના પોઝિટિવ આવતા ભારે દોડધામ મચી જવા પામી છે જોકે લલિત કગથરા અને તેમના પત્નીનો રિપોર્ટ નેગેટિવ આવ્યો છે. કગથરા ચૂંટણીની તૈયારીઓને લઇને 8 દિવસથી ઘરથી દૂર હતા. જોકે કગથરાના દીકરા, દીકરાના પત્ની અને ભાઇ સહિતના સભ્યોને કોરોના પોઝિટિવ આવ્યો છે.

સાવલીના ભાજપના ધારાસભ્ય કેતન ઇનામદારને કોરોના પોઝિટિવ આવ્યા પછી તેમના પત્નીને પણ કોરોનાનો રિપોર્ટ પોઝિટિવ આવ્યો હતો. અગાઉ કેતન ઇનામદારના પુત્ર, ભાઈના પુત્ર અને ભાઈના પત્ની અને ભાણીયો તેમજ કેતન ઇનામદારના ડ્રાઇવરને પણ કોરોના પોઝિટિવ આવ્યો હતો.