મુખ્ય સમાચાર
News of Saturday, 2nd July 2022

કન્‍હૈયાલાલ હત્‍યા કેસમાં વધુ 3 શખ્‍સો ઝડપાયાઃ સંપૂર્ણ પ્‍લાન સાથે કાવતરૂ ઘડયુ હતુઃ કોઇ ખલેલ ન પડે તે માટે બેકઅપ પ્‍લાન બનાવ્‍યો હતો

એનઆઇએ દ્વારા જુદી-જુદી દિશામાં તપાસઃ હત્‍યા પહેલા પાંચેય આરોપીઓએ મિટીંગ કરી હતી

ઉદયપુરઃ કન્હૈયા લાલ હત્યા કેસમાં પોલીસને મોટી સફળતા મળી છે. પોલીસે રાજસ્થાનના ચિત્તોડગઢમાંથી 3 આરોપીઓની ધરપકડ કરી છે. ઉદયપુર કન્હૈયાલાલ મર્ડર કેસની તપાસ કરી રહેલી NIA કેસમાં નવો ખુલાસો કર્યો છે. NIAની પૂછપરછમાં ખુલાસો થયો છે કે હત્યામાં મોહમ્મદ ગૌસ અને રિયાઝ સિવાય કુલ પાંચ લોકો સામેલ હતા. ટેલર કન્હૈયા લાલની હત્યા સંપૂર્ણ પ્લાનિંગ સાથે કરવામાં આવી હતી. ઘટના દરમિયાન કોઈ ખલેલ પડે તે માટે બેકઅપ પ્લાન પણ બનાવવામાં આવ્યો હતો, જેમાં ત્રણ લોકો સામેલ હતા. હત્યા કરતા પહેલા આરોપીઓએ મીટિંગ કરી હતી.

કન્હૈયા લાલ હત્યા કેસની તપાસ કરી રહેલી NIA મુખ્ય આરોપી મોહમ્મદ ગૌસ અને રિયાઝના બે સહયોગીઓ મોસીન અને આસિફની ધરપકડ કરી પૂછપરછ કરી હતી. બંનેએ NIA ટીમને જણાવ્યું કે હત્યા બાદ મોહમ્મદ ગૌસ અને રિયાઝને સલામત માર્ગ આપવા માટે બેકઅપ પ્લાન પણ તૈયાર છે. બેકઅપ પ્લાનમાં ત્રણ લોકો સામેલ હતા. પ્લાન મુજબ મોસીન અને તેનો સાથી આસીફ કન્હૈયાલાલની દુકાનથી થોડે દૂર ઉભા હતા. તેનો અન્ય એક સાથી સ્કૂટી પર નજીકમાં હાજર હતો.

મોસીન અને આસિફે તપાસ ટીમને જણાવ્યું કે તેઓ પ્લાનિંગ કરી રહ્યા હતા કે, કન્હૈયા લાલની હત્યા કર્યા પછી જો ગૌસ અને રિયાઝ કોઈ કારણસર પકડાઈ જાય, તો તેમને ત્યાંથી બહાર કાઢવાનું કામ ત્રણનું હતું. તેમની પાસે ખંજર પણ હતા અને તેઓ ટોળા પર હુમલો કરીને તેમને બચાવી લેતા.

પોલીસે કન્હૈયાની હત્યામાં સામેલ હત્યારા મોહમ્મદ ગૌસ અને રિયાઝની ધરપકડ કરી લીધી છે. કેસની તપાસ કરી રહેલી NIA ટીમે તેના બે સહયોગીઓ મોસીન અને આસિફની પણ ધરપકડ કરી છે. બંનેને આજે જયપુરમાં NIAની સ્પેશિયલ કોર્ટમાં રજૂ કરવામાં આવશે.

28 જૂને તેની દુકાનમાં ઘૂસીને ટેલર કન્હૈયા લાલની મોહમ્મદ રિયાઝ અને ગૌસ મોહમ્મદે તિક્ષ્ણ હથિયાર વડે તેનું ગળું કાપીને હત્યા કરી હતી. હત્યારાઓએ કન્હૈયાલાલની હત્યાનો વીડિયો સોશિયલ મીડિયા પર અપલોડ કર્યો હતો. તેણે વીડિયોની સાથે એક મેસેજ પણ જાહેર કર્યો જેમાં તે કહેતો જોવા મળ્યો કે તેણે ઘટના ઈસ્લામના અપમાનનો બદલો લેવા માટે કરી છે. જો કે રાજસ્થાન પોલીસે બંનેની ધરપકડ કરી હતી. NIA મામલાની તપાસ કરી રહી છે.

(5:32 pm IST)