અમેરિકામાં ભીષણ ગરમીના રેકોર્ડ તૂટયા, ૧૨નાં મોત, વીજળીની ભારે માંગને લીધે વીજ સંકટ મંડરાય છે: ભયંકર ગરમી કાળો કેર વર્તાવી રહી છે: ૩૭.૭ થી ૪૬.૧ ડિગ્રી સેલ્શિયસ જેવી ધગધગતી ગરમી
અમેરિકામાં વોશિંગ્ટન અને ઓરેગોનમાં અભૂતપૂર્વ ગરમીને કારણે લગભગ ૧૨ લોકોનાં મોત નીપજ્યાં છે. ગરમીને કારણે વીજળીની માંગમાં ભારે વધારો થયો છે, જેના કારણે બ્લેક આઉટ થવાનો ભય રહે છે. માંગ વધુ હોવાને કારણે, વીજળી કાપ મૂકવામાં આવી રહ્યો છે. સિએટલ અને પોર્ટલેન્ડમાં, તાપમાનનો પારો સતત ૧૦૦ ડિગ્રી ફેરનહિટ (૩૭.૭ ડિગ્રીથી વધુ)થી ઉપર રહ્યો.
યુએસ નેશનલ વેધર સર્વિસના જણાવ્યા અનુસાર, મંગળવારે સ્પોકેનમાં તાપમાન ૧૦૯ ડિગ્રી ફેરનહિટ અથવા .૪૨.૨ ડિગ્રી સેલ્સિયસ પર પહોંચ્યું હતું, જે ત્યાંનું સૌથી વધુ તાપમાન નોંધાયું છે. સોમવારે શહેરમાં વધુ માંગને કારણે, લગભગ ૯૩૦૦ ગ્રાહકોની લાઇટ બંધ થઈ ગઈ હતી. વીજ કંપનીએ કહ્યું છે કે હજી વધુ વીજ કાપ મૂકી શકાય છે. અધિકારીઓનું કહેવું છે કે આ વિસ્તારમાં તાજેતરમાં થયેલા અનેક મૃત્યુઓ આકરા તાપ સાથે સંબંધિત હોઈ શકે છે.
કિંગ કાઉન્ટી મેડિકલ એક્ઝામિનર ઓફિસે પુષ્ટિ કરી કે બે લોકો હાયપરથેર્મિયાથી મૃત્યુ પામ્યા (ખતરનાક સ્તર સુધીની ગરમીથી).
ન્યૂઝ એજન્સીઓના અહેવાલમાં જણાવ્યું છે કે મંગળવારે ઇડાહોના અનેક શહેરોમાં તાપમાન ૩૭.૭ ડિગ્રી સેલ્સિયસ વટાવી ગયું છે. લેવિસ્ટનમાં તાપમાન ૪૬.૧ ડિગ્રી સેલશિયસ (૧૧૫ ફેરહીત) નોંધાયું હતું. પ્રમુખ જો બિડેને કહ્યું કે કોઈએ ક્યારેય વિચાર્યું ન હતું કે ઓરેગોનના પોર્ટલેન્ડમાં ૪૬.૧ ડિગ્રી સેકશિયસ ડિગ્રીનું તાપમાન થશે. જો કે, તેમણે એમ પણ કહ્યું કે ચિંતા કરવાની કંઈ નથી, આ ગ્લોબલ વોર્મિંગ નથી.