ONGCમાં 312 કરોડનો કોન્ટ્રકટ આપવામાં 80 કરોડનો ગોટાળો: CBIએ કર્યો 13 વરિષ્ઠ અધિકારી સામે કેસ દાખલ

રાજમુંદરી પ્લાન્ટ માટે ગેસ ડિહાઇડરેશન એકમોના સપ્લાઇ માટે કોંટ્રાક્ટ આપવામાં કૌભાન્ડ

નવી દિલ્હી:ઓએનજીસીમાં 312 કરોડના કોન્ટ્રાકટ આપવામાં 80 કરોડના ગોટાળાના આરોપસર કેન્દ્રીય તપાસ એજન્સી સીબીઆઇએ ઓઇલ એન્ડ નેચરલ ગેસ (ઓએનજીસી)ના 13 વરિષ્થ અધિકારીઓ વિરૂદ્ધ કેસ દાખલ કર્યો છે.આ કેસ એક ખાનગી કંપનીને કોંટ્રાક્ટ આપવાના મામલે કથિત રીતે અનિયમિતતા દાખવવા બદલ કરવામાં આવ્યો છે.  

  અધિકારીઓ પર ઓએનજીસીની આંધ્ર-પ્રદેશ સ્થિત રાજમુંદરી પ્લાન્ટ માટે ગેસ ડિહાઇડરેશન એકમોના સપ્લાઇ માટે એક ખાનગી કંપનીને કોંટ્રાક્ટ આપવામાં ગરબડી કરવાનો આરોપ લગાવ્યો છે. કહેવામાં આવી રહ્યું છે કે આ ગરબડીના લીધે કંપનીને લગભગ 80 કરોડ રૂપિયાનું નુકસાન થયું છે.

  આ સમગ્ર મામલાની જાણકારી આપતાં સીબીઆઇએ કહ્યું કે અધિકારીઓ પર દીપ ઇંડસ્ટ્રીઝ લિમિટેડને 312 કરોડ રૂપિયાનો કોંટ્રાક્ટ આપવામાં પદનો દુરઉપયોગ કરવાનો આરોપ છે. તેમણે જણાવ્યું કે આ કોંટ્રાક્ટના લીધે ઓએનજીસીને 80 કરોડ રૂપિયાનું નુકસાન થયું છે. 

  અધિકારીઓ પર ઓએનજીસીની આંધ્ર પ્રદેશ સ્થિત રાજમુંદરી પ્લાન્ટ માટે ગેસ ડિહાઇડરેશન એકમોના સપ્લાઇ માટે એક ખાનગી કંપનીને કોંટ્રાક્ટ આપવામાં ગરબડીનો આરોપ છે. 80 કરોડ રૂપિયાના ગોટાળાના આરોપમાં નોંધવામાં આવેલી પ્રાથમિકી પૂર્વ કાર્યકારી નિર્દેશક ડીજી સાનયાલ, નિર્દેશક (તટીય) અશોક વર્મા અને પૂર્વ ડીજીએમ (ઉત્પાદન) અરૂણ રતન દાસ સહીત અન્યના નામ સામેલ છે.