પ્રેમી સાથે પત્નીને જોઇ પતિએ ચાકુ મારી હત્યા કરી

લખનૌ : યુપીની રાજધાની લખનૌમાં પ્રેમી સાથે ફરી રહેલ અફસાના (રપ)ને પતિ રફીકે ચાકુ મારી હત્યા કરેલ. ઘટના બાદ ભાગી રહેલ રફીકને લોકોએ પકડી મેથી પાક ચખાડી પોલીસને હવાલે કરેલ.

દરજીકામ કરતા રફીકને પત્ની અફસાના સાથે અનબન રહેતી હતી. અફસાનાને એક યુવક સાથે દોસ્તી હતી, જે રફીકને પસંદ નહતુ . તેણે પત્નીને અનેકવાર સમજાવેલ. શનિવારે અફસાના પાંચ વર્ષની પુત્રીને ઘરે એકલી મુકી નિકળી ગઇ હતી. પુત્રીને રડતી જોઇ રફીક પત્નીની શોધમાં નીકળ્યો હતો. આખો દિવસ શોધખોળ બાદ અફસાના પ્રેમી સાથે ફરતી દેખાતા રફીકે ચાકુ લઇ દોડયો હતો. અફસાનાએ ભાગવાનો પ્રયાસ કરેલ પણ રફીકે તેને પકડી પેટ અને છાતીમાં ચાકુના અનેક ઘા મારી હત્યા નિપજાવેલ.