Gujarati News

Gujarati News

News of Saturday, 31st October 2020

કંગનાનું ફરી એક વખત વિવાદાસ્પદ ટવીટ

ગાંધીજીને ખુશ રાખવા સૌથી લાયક વ્યકિતને ભારતના પ્રથમ વડાપ્રધાન ન બનાવાયા

કંગનાએ કહ્યું નહેરૂ નબળા મગજના હતા, ગાંધીજી બધાને પોતાના કાબુમાં રાખતા : સોશ્યલ મીડીયામાં ખુબ ટીકા થઇ

મુંબઇઃ છેલ્લા કેટલાક સમયથી બોલીવુડ અભિનેત્રી કંગના રનૌત રાજકીય બાબતોમાં કાંકરીચાળો કરીને લાઈમ લાઇટમાં રહી છે મહારાષ્ટ્ર સરકાર સામે બાથ ભીડતા કંગનાએ અનેક વાર નેતાઓ ઉપર શાબ્દિક વાર કર્યા છે, અને સોશિયલ મિડિયામાં તેની ખૂબ ચર્ચા ચાલતી હોય છે.

આજે ભારતના લોહપુરુષ એવા સરદાર વલ્લભભાઈ પટેલની જન્મજયંતી છે, ત્યારે દેશભરના તમામ નેતા, અભિનેતા સોશિયલ મિડિયા ઉપર અપડેટ કરીને તેમની યાદ કરી રહ્યા છે ત્યારે કંગના તેની આદત મુજબ કઈક તો એવું કરતી જ રહે છે કે જેથી તે ચર્ચાનો વિષય બની રહે.

કંગનાએ એક ટ્વિટ કરીને સરદાર વલ્લભભાઈ પટેલને યાદ કર્યા અને જવાહરલાલ નહેરુ ઉપર હમલો કર્યો હતો. અને લખ્યું કે ગાંધીજીને ખુશ રાખવા માટે સૌથી લાયક વ્યકિતને ભારતના પ્રથમ વડાપ્રધાન ન બનવા દેવામાં આવ્યા. નહેરુ સારું અંગ્રેજી બોલી શકતા હતા તેથી તેમને વડાપ્રધાન બનાવવામાં આવ્યા હતા પરંતુ તેનાથી સરદારને કોઈ નુકશાન થયું નથી પરંતુ દેશ કેટલા દશકાઓથી તેની સજા ભોગવી રહ્યું છે.

આ ઉપરાંત કંગનાએ નહેરુને નબળા મગજના ગણાવ્યા અને ગાંધીજીને એવા કહ્યા કે તે બધાને પોતાના કાબુમાં રાખતા, આવા વિવાદાસ્પદ નિવેદન બાદ સોશિયલ મિડિયા ઉપર તેની ખૂબ ટીકા ચાલી રહી છે.

(12:46 pm IST)
  • લવ જેહાદ કરવાવાળા સુધરી જાવ ,નહીં તો ' રામ નામ સત્ય છે ' ની યાત્રા નીકળશે : હાઇકોર્ટની ટિપ્પણી બાદ ઉત્તર પ્રદેશ મુખ્યમંત્રી યોગી આદિત્યનાથની કડક ચેતવણી : બહેન દીકરીઓની જિંદગી સાથે રમત કરનારાઓને માફ નહીં કરાય access_time 6:06 pm IST

  • અમેરીકામાં એક જ દિવસમાં ૧ લાખ ઉપર નવા કોરોના કેસ નોંધાયા : ગઇરાત સુધીમાં ૧,૦૧,૪૬૧ કોવિડ કેસઃ એક જ દિવસમાં થયેલ વિશ્વભરમાં આ સૌથી મોટો આંકડો છેઃ ૧૭ સપ્ટેમ્બરે ભારતમાં એક જ દિવસમાં એક લાખ નજીક (૯૭,૮૯૪ કેસ નોંધાયા હતા) access_time 12:40 pm IST

  • અમુક લોકો આતંકવાદના સમર્થનમાં ખુલ્લેઆમ બહાર આવ્યા છે : આ બાબત સમગ્ર વિશ્વ માટે ચિંતાનો વિષય છે : ' રાષ્ટ્રીય એકતા દિવસ ' નિમિત્તે વડાપ્રધાન શ્રી નરેન્દ્ર મોદીનું પ્રવચન : ફ્રાન્સમાં થયેલા આતંકી હુમલાને સમર્થન આપનાર લોકોને આડે હાથ લીધા : દેશના સૌપ્રથમ હોમ મિનિસ્ટર વલ્લભભાઈ પટેલના જન્મ દિવસ નિમિતે સ્મૃતિ વંદના કરી : દેશની સુરક્ષા માટે સરહદ ઉપર લેવાઈ રહેલા પગલાંઓ વિષે માહિતી આપી access_time 10:38 am IST