Gujarati News

Gujarati News

News of Saturday, 31st October 2020

ગત વર્ષે ૮૦૦-૮૫૦ માં વેચાતી બદામના ભાવ ૬૦૦-૬૫૦ થયા

સામી દિવાળીએ ડ્રાયફ્રૂટના ભાવમાં પ્રતિ કિગ્રા રૂ.૨૦૦થી ૮૦૦ સુધીનો ઘટાડો

રૂ.૧૮૦૦-ર૦૦૦માં પ્રતિ કિગ્રા વેચાતા પિસ્તા ઘટીને રૂ. ૧૦૦૦-૧૨૦૦ થયાઃ કાજુના ભાવમાં પ્રતિ કિગ્રા રૂ. ૩૦૦ સુધીનો ઘટાડો નોંધાયો

મુંબઇ, તા.૩૧: સામી દિવાળીએ ડ્રાયફૂટ માર્કેટ પર મંદીનો માર પડ્યો છે. બજારમાં ડ્રાયફૂટની ખરીદી મંદ હોવાથી ભાવમાં રૂ.૨૦૦થી ૮૦૦ સુધીનો ઘટાડો નોંધાયો છે. કોરોનાને કારણે લોકો પાસે પૈસાની તંગી હોવાથી તેઓ સુકોમેવો ઓછા ખાઇ રહ્યા છે. ઉપરાંત, અલૂણાં, નવરાત્રિ, ગણેશોત્સવ સહિતના ધાર્મિક કર્યક્રમોની ઉજવણી બંધ રહેતા તેની વિપરીત અસર ડ્રાયફ્રુટ માર્કેટ પર પડી છે.

દિવાળી હિન્દુઓનો પ્રમુખ તહેવાર છે. દિવાળીમાં લોકો મીઠાઇ અને ડ્રાયફૂટની ખરીદી કરે છે. પરંતુ આ વર્ષે ડ્રાયફૂટ માર્કેટ પર કોરોનાનું ગ્રહણ લાગ્યું છે. ખરીદી ઘટી જતા કાજુ. બદામ. કિસમિસ, અંજીર, પિસ્તા વગેરે ડ્રાયફ્રૂટના ભાવોમાં ઘટાડો થયો છે. ગત વર્ષની તુલનામાં દરેક ડ્રાયફ્રૂટના ભાવમાં રૂ.૨૦૦થી ૮૦૦ સુધીનો ઘટાડો નોંધાયો છે. છેલ્લાં ૧૫ વર્ષથી કરિયાણા અને ડ્રાયફૂટના વેપાર સાથે સંકળાયેલા મલમસિંગ પુરોહિતે જણાવ્યું હતું કે ગત વર્ષે રેગ્યુલર અમેરિકન બદામના ભાવ ૮૦૦થી ૮૫૦ જેટલા હતા, પરંતુ આ વર્ષે બદામના ભાવમાં રૂ. ૧૦૦થી ૨૦૦નો ઘટાડો થતા રૂ. ૬૦૦થી ૭૦૦ના ભાવે વેચાઇ રહી છે. ગત વર્ષે સારી કવોલિટીના કાજુનું રૂ. ૯૦૦માં વેચાણ થયું હતું. પરંતુ હાલમાં રૂ. ૬૦૦થી ૬૫૦માં વેચાણ થઇ રહ્યું છે. તેવી જ રીતે કિસમિસના ભાવમાં રૂ. ૧૫૦, અંજીરના ભાવમાં રૂ.૩૦૦-૪૦૦. પિસ્તાના ભાવમાં રૂ. ૬૦૦-૮૦૦ સુધીનો તોતિંગ ઘટાડો નોંધાયો છે. મલમસિંગે વધુમાં જણાવ્યું હતું કે કોરોનાને કારણે ડ્રાયફૂટના વપરાશમાં ઘટાડો થયો છે. લોકડાઉનને કારણે લગ્નપ્રસંગ, સગાઇ પ્રસંગ. ગોદભરાઈ, મામેરા સહિતના સામાજિક પ્રસંગો રદ થયા છે. કથા, સપ્તાહ, પારાયણ વગેરે ધાર્મિક પ્રસંગોની ઉનાળામાં ઉજવણી થઈ નથી. અલૂણાં, ગણેશોત્સવ, નવરાત્રિ વગેરે તહેવારની સિઝન પણ નિષ્ફળ ગઇ છે. તેથી. હોલસેલ વેપારીઓના ગોડાઉનમાં માલ લાંબો સમય સુધી પડયો રહ્યો હતો. કોરોનાને કારણે માંગમાં ઘટાડો થતા વેપારીઓ નવો સ્ટોક મંગાવતા ડરે છે. ગત વર્ષની તુલનામાં ચાલુ વર્ષે ડ્રાયફૂટ વેપારીઓએ નહીવત સ્ટોક કર્યો છે. તેથી, ડ્રાયફૂટ માર્કેટમાં ભાવ ઘટી ગયા છે. વેપારીઓના અનુમાન અનુસાર દિવાળી બાદ લગ્નસિઝનમાં ડ્રાયફૂટનો ભાવ વધવાની સંભાવના છે.

(12:44 pm IST)
  • માતા વૈષ્ણોદેવીના મંદિરે કાલથી દરરોજ ૧૫,૦૦૦ યાત્રાળુઓ દર્શન કરવાની મંજૂરી : નોંધણી કાઉન્ટરો પર ભીડને રોકવા માટે ભકતોની ઓનલાઇન નોંધણી ચાલુ રહેશે access_time 2:28 pm IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • ' ધ બેટલ ઓફ બિલોગિંગ ' : શશી થરૂર લિખિત પુસ્તકનું લોન્ચિંગ : હિન્દુત્વની નારાબાજી કટ્ટરતાની નિશાની : હિન્દુત્વ એ કોઈ ધાર્મિક નહીં પણ રાજકીય સિદ્ધાંત છે : ' હિન્દૂ ભારત ' એ દેશના લોકશાહી બંધારણ માટે પડકાર સમાન : હિન્દુત્વનું આંદોલન એ 1947 ની મુસ્લિમ સંપ્રદાયિકતાનું પ્રતિબિંબ : લોન્ચિંગ પ્રસંગે ઉદબોધન access_time 6:32 pm IST