Gujarati News

Gujarati News

News of Saturday, 31st October 2020

પેરિસમાં લોકોએ ખરીદી માટે દોટ લગાવી

ફ્રાંસમાં ૧ મહિનાનું લોકડાઉન લાગુ થાય એ પૂર્વે રસ્તા પર ૭૦૦ કિ.મી.નો ટ્રાફિક જામ

પેરિસ તા. ૩૧ :.. કોરોના વાયરસના વધતા કેસ જોઇ ને ફ્રાંસે બીજા લોકડાઉનની જાહેરાત કરી હતી. કોરોનાની બીજી લહેર સામે લડવા આ પગલુ લેવાયું છે. ફ્રાંસમાં ગુરૂવારે સાંજે લોકડાઉનની જાહેરાત થઇ તે પછી લોકોમાં હલચલ મચી ગઇ હતી. તે પછી પેરિસમાં ૭૦૦ કિ. મી. લાંબો ટ્રાફિક જામ લાગ્યો. લોકો જરૂરી ચીજ વસ્તુ લેવા જઇ રહ્યો હતાં. લોકો પોતાના પરિવાર - મિત્રો પાસે જવા લાગ્યા હતાં. લોકડાઉનને કારણે લોકોએ ૧ મહિના સુધી પોતાના ઘરમાં રહેવુ પડશે.

લોકડાઉનની જાહેરાત થતા જ લોકો પોતાની કાર લઇને નીકળી પડયા હતાં. ઠેરઠેર ટ્રાફિક જામ સર્જાયો. ગઇકાલથી ૪ સપ્તાહનું લોકડાઉન જાહેર કરાયુ છે. કરીયાણાના સ્ટોર અને બજારોમાં ભારે ભીડ જોવા મળી હતી.

ફ્રાંસના તમામ ૬૭ મિલીયન લોકોને ઘરમાં જ રહેવા આદેશ આપવામાં આવ્યો છે. કોઇ કોઇની ઘરે જઇ નહિ શકે ઘરના ૧ કિ.મી.ના વિસ્તારમાં ૧ કલાક કસરત માટે બહાર નીકળી શકશે. દેશમાં રેસ્ટોરન્ટ - કેફે બંધ કરાયા છે.

(11:32 am IST)
  • કોરોનાએ ભયાનક ફુંફાડો માર્યો : બુધવારથી સમગ્ર ઇંગ્લેન્ડમાં લોકડાઉન લાદી દેવાશે તેવા હેવાલોઃ ઇંગ્લેન્ડના પીએમ બોરીસ જોન્સન ગંભીરતા પૂર્વક વિચારે છેઃ ટાઇમ્સ : અત્યારે વિશ્વમાં જર્મની (આવતા અઠવાડીયાથી), ફ્રાન્સ, બેલ્જીયમ, ઝેક, રીપબ્લીક, આયરલેન્ડ, યુ.કે. (ઉત્તરીય આયરલેન્ડ) અને વેલ્સમાં લોકડાઉન પ્રવર્તે છે. access_time 12:40 pm IST

  • દેશની તમામ સૈનિક સ્કૂલોમાં ઓબીસી માટે 27 ટકા અનામત : કેન્દ્ર સરકારની લીલી ઝંડી : નવા સત્રથી અમલ access_time 10:58 am IST

  • મુંબઈના ભીંડી બજાર વિસ્તારમાં કેટલાક દેશવિરોધી તત્વોએ ફ્રાન્સના રાષ્ટ્રપતિ મેક્રોની તસવીરો રોડ ઉપર લગાડી છે. સેંકડો લોકો તેના ઉપરથી પસાર થઇ રહ્યા છે. આવા તત્વોની તાત્કાલિક ધરપકડ કરવા સોશિયલ મીડિયા ઉપર માગણી થઈ રહી છે. જાણીતા પત્રકાર શીલા ભટ્ટે ટ્વિટર હેન્ડલ ઉપર આ વીડિયો પણ મૂકી છે. access_time 2:38 pm IST