Gujarati News

Gujarati News

News of Saturday, 31st October 2020

૩૦૦ સુધીની સંખ્યાવાળી કંપનીઓ પરવાનગી વગર કર્મચારીને તગેડી શકશે : ૧પ દિ'ની નોટીસ કાઢી

રોજગાર મંત્રાલયે ઇન્ડસ્ટ્રીયલ રીલેશન કોડ માટે ડ્રાફટ રૂલ્સનો પ્રથમ સેટ જારી કર્યો : યુનિયન-કંપની-માલિક બધા પાસે ઇલે. કોમ્યુનિકેશન સિસ્ટમ અનિવાર્ય બનશે

નવી દિલ્હી, તા. ૩૧ :  સંસદમાં ગયા મહિને ત્રણ લેબર કોડનો રસ્તો સાફ થયા પછી રોજગાર મંત્રાલયે ઇન્ડસ્ટ્રીયલ રીલેશન્સ કોડ માટે ડ્રાફટ રૂલ્સનો પહેલો સેટ બહાર પાડી દીધો છે. મુસદ્દામાં સુધારા હેઠળ કર્મચારીઓ માટે હડતાલ કરવા સાથે સંકળાયેલી પરિસ્થિતિઓમાં ફેરફાર કરી દેવાયો છે. સાથે જ ૧૦૦ જગ્યાએ ૩૦૦ ની સંખ્યા સુધીના કર્મચારીઓ ધરાવતી કંપનીઓ હવે સરકારની મંજુરી વગર લોકોને કાઢી શકશે. એટલું જ નહીં, ૧પ દિવસની નોટીસ જ પુરતી ગણવામાં આવશે.

ડ્રાફટ રૂલ્સ (એક મહિના સુધી તેને જનપ્રતિક્રિયા માટે રાખવામાં આવ્યો હતો) માં મોટાભાગે સંપર્ક માટે ઇલેકટ્રોનિક પધ્ધતિનો પ્રસ્તાવ છે, જેમાં બધા ઔદ્યોગિક એકમો માટે ઇ-રજીસ્ટર મેઇન્ટેઇન કરવાનું કહેવાયું છે. સાથે જ છંટણી (લેઓફ) અંગે કંપનીઓએ ૧પ દિવસ પહેલા નોટીસ, છુટા કરવા (રીટ્રેન્ચમેન્ટસ) માટે ૬૦ દિવસ અગાઉ નોટીસ અને કંપની બંધ કરવા માટે ૯૦ દિવસ પહેલા નોટીસ આપવી પડશે.

જો કે નિયમોમાં મોડલ સ્ટેન્ડીંગ ઓર્ડરને બાકાત રાખી દેવાયો છે અને ટ્રેડ યુનિયનો માટે નિયમો બનાવવાનું રાજય સરકારો પર છોડી દેવાયું છે. આ પગલા બાબતે નિષ્ણાંતોનું કહેવું છે કે તેનાથી દેશભરમાં નિયમોમાં વિસંગતતાઓ ઉભી થશે.

એકસએલઆરઇના પ્રોફેસર અને લેબર ઇકોનોમીસ્ટ કે.આર. શ્યામ સુંદરે કહ્યું ''મોડલ સ્ટેન્ડીંગ ઓર્ડર સૌથી મહત્વની વસ્તુ હતી. કેન્દ્ર સરકાર તેને બનાવી શકે અને કંપનીઓ તેનો અમલ કરે ત્યારે તે સ્ટેન્ડીંગ ઓર્ડર બને. શકય છે કે સરકાર આના માટે વટહુકમનો ઉપયોગ કરે પહેલા તેનો ઉપયોગ નિયમો સાથે કરાતો હતો પણ હજુ સુધી તેને નથી લાવવામાં આવ્યો જે સાચી પ્રક્રિયા નથી.

(11:24 am IST)
  • કોરોનાએ ભયાનક ફુંફાડો માર્યો : બુધવારથી સમગ્ર ઇંગ્લેન્ડમાં લોકડાઉન લાદી દેવાશે તેવા હેવાલોઃ ઇંગ્લેન્ડના પીએમ બોરીસ જોન્સન ગંભીરતા પૂર્વક વિચારે છેઃ ટાઇમ્સ : અત્યારે વિશ્વમાં જર્મની (આવતા અઠવાડીયાથી), ફ્રાન્સ, બેલ્જીયમ, ઝેક, રીપબ્લીક, આયરલેન્ડ, યુ.કે. (ઉત્તરીય આયરલેન્ડ) અને વેલ્સમાં લોકડાઉન પ્રવર્તે છે. access_time 12:40 pm IST

  • ફાયનાન્સ મિનિસ્ટર નિર્મલા સીતારમણને મારા પ્રત્યે પૂર્વગ્રહ હતો : મારી બદલી તેમણે વિદ્યુત ડિપાર્ટમેન્ટમાં કરી નાખી : પૂર્વ ફાયનાન્સ મિનિસ્ટર અરુણ જેટલી સાથે મારે સારા સબંધ હતા : નિર્મલા સીતારમણના અમુક નિર્ણયો જેવા કે આરબીઆઇ સાથેનો વહેવાર ,નોન બેન્કિંગ કંપનીઓ માટે પેકેજ ,ક્રેડિટ ગેરંટી યોજના સહિતની બાબતે અમારે મતભેદ હતો : તેથી મેં એક વર્ષ વહેલી નિવૃત્તિ લઇ લીધી : સીનીઅર આઈ એ એસ નિવૃત ઓફિસર સુભાષચંદ્ર ગર્ગે નિવૃત થયાના એક વર્ષ પછી મોઢું ખોલ્યું access_time 6:46 pm IST

  • દેશમાં કોરોનાના નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 45,698 કેસ નોંધાયા:કુલ કેસનો આંકડો 81,81,864 થયો :એક્ટીવ કેસ ઘટીને 5,71,213 થયા:વધુ 56,182 દર્દીઓ સ્વસ્થ થતા કુલ 74, 87,093 રિકવર થયા :વધુ 454 લોકોના મોત સાથે કુલ મૃત્યુઆંક 1,22,135 થયો access_time 1:09 am IST