Gujarati News

Gujarati News

News of Saturday, 31st October 2020

માતા વૈષ્ણોદેવીના મંદિરે કાલથી દરરોજ 15,000 યાત્રાળુઓ દર્શન કરવાની મંજૂરી

નોંધણી કાઉન્ટરો પર ભીડને રોકવા માટે ભક્તોની ઓનલાઇન નોંધણી ચાલુ રહેશે

શ્રીનગર: જમ્મુ-કાશ્મીર પ્રશાસને કહ્યું કે, 1 નવેમ્બરથી દરરોજ 15 હજાર ભક્તોને માતા વૈષ્ણો દેવીના દર્શન કરવાની છૂટ આપવામાં આવશે. આ પહેલાં કોવિડ -19 પ્રતિબંધોને લીધે ફક્ત 7 હજાર ભક્તોને જવાની મંજૂરી હતી. હવે 1 નવેમ્બર 2020 થી 7,000ની બદલે 15,000 ભક્તોને મંદિરે જવાની મંજૂરી આપવામાં આવશે.

   કોવિડ-19 મહામારીને લીધે 5 મહિના મંદિર બંધ રહેતા 16 ઓગષ્ટે ખોલવામાં આવ્યું હતું. શરૂઆતમાં પ્રશાસને 2,000 લોકોને અનુમતિ આપી હતી. જેમાં બહારના 100 યાત્રીઓને મંજૂરી હતી. બોર્ડના અધિકારીઓએ જણાવ્યું હતું કે, યાત્રાની નોંધણી કાઉન્ટરો પર ભીડને રોકવા માટે ભક્તોની ઓનલાઇન નોંધણી ચાલુ રહેશે. જમ્મુમાં ઇમારતો, બોર્ડના લોજ SOPના પાલન સાથે ખુલ્લા છે

(11:10 am IST)
  • કોરોનાએ ભયાનક ફુંફાડો માર્યો : બુધવારથી સમગ્ર ઇંગ્લેન્ડમાં લોકડાઉન લાદી દેવાશે તેવા હેવાલોઃ ઇંગ્લેન્ડના પીએમ બોરીસ જોન્સન ગંભીરતા પૂર્વક વિચારે છેઃ ટાઇમ્સ : અત્યારે વિશ્વમાં જર્મની (આવતા અઠવાડીયાથી), ફ્રાન્સ, બેલ્જીયમ, ઝેક, રીપબ્લીક, આયરલેન્ડ, યુ.કે. (ઉત્તરીય આયરલેન્ડ) અને વેલ્સમાં લોકડાઉન પ્રવર્તે છે. access_time 12:40 pm IST

  • ફાયનાન્સ મિનિસ્ટર નિર્મલા સીતારમણને મારા પ્રત્યે પૂર્વગ્રહ હતો : મારી બદલી તેમણે વિદ્યુત ડિપાર્ટમેન્ટમાં કરી નાખી : પૂર્વ ફાયનાન્સ મિનિસ્ટર અરુણ જેટલી સાથે મારે સારા સબંધ હતા : નિર્મલા સીતારમણના અમુક નિર્ણયો જેવા કે આરબીઆઇ સાથેનો વહેવાર ,નોન બેન્કિંગ કંપનીઓ માટે પેકેજ ,ક્રેડિટ ગેરંટી યોજના સહિતની બાબતે અમારે મતભેદ હતો : તેથી મેં એક વર્ષ વહેલી નિવૃત્તિ લઇ લીધી : સીનીઅર આઈ એ એસ નિવૃત ઓફિસર સુભાષચંદ્ર ગર્ગે નિવૃત થયાના એક વર્ષ પછી મોઢું ખોલ્યું access_time 6:46 pm IST

  • ' ધ બેટલ ઓફ બિલોગિંગ ' : શશી થરૂર લિખિત પુસ્તકનું લોન્ચિંગ : હિન્દુત્વની નારાબાજી કટ્ટરતાની નિશાની : હિન્દુત્વ એ કોઈ ધાર્મિક નહીં પણ રાજકીય સિદ્ધાંત છે : ' હિન્દૂ ભારત ' એ દેશના લોકશાહી બંધારણ માટે પડકાર સમાન : હિન્દુત્વનું આંદોલન એ 1947 ની મુસ્લિમ સંપ્રદાયિકતાનું પ્રતિબિંબ : લોન્ચિંગ પ્રસંગે ઉદબોધન access_time 6:32 pm IST