Gujarati News

Gujarati News

News of Saturday, 31st October 2020

ભગવા આતંકવાદની વાત કરનારાને જૂતાં મારો : વિદેશ રાજ્યમંત્રી વી.કે.સિંહ

પુલવામા હુમલામાં પોતાના હાથની પાકની કબૂલાત : પુલવામાં હુમલા અંગે સરકાર પર પ્રહાર કરનારા કોંગ્રેસ સહિત વિરોધીઓ ઉપર કેન્દ્રીય મંત્રી વીકે સિંહનો વાર

નવી દિલ્હી ; પુલવામા હુમલાની પાછળ પાકિસ્તાનએ પોતાનો હાથ હોવાની વાત સ્વીકારી લીધી છે. ત્યારબાદથી ભારતીય જનતા પાર્ટીના નેતા કેન્દ્ર સરકાર પર પ્રશ્ન કરનારને આડે હાથ લીધા છે. પૂર્વ આર્મી ચીફ અને મોદી સરકારમાં વિદેશ રાજ્યમંત્રી વી.કે.સિંહએ વિપક્ષ પર પ્રહારો કર્યા છે. પાકિસ્તાનના કબૂલનામા પર વી.કે.સિંહે કહ્યું કે એ કહેવું કે સરકારે જ હુમલો કરાવ્યો હશે અને તેથી જ તેનાથી પહેલાં પણ તેની પાર્ટીએ એક ભગવા આતંકની વાત કરી હતી, તેનું એક મોટું રૂપ બનાવા માંગ્યું. આવા લોકોની ઉપર પ્રજાએ જરા પણ વિશ્વાસ કરવો જોઇએ નહીં પરંતુ હું તો એ કહીશ કે તેમને ખુલ્લામાં જૂતા મારવા જોઇએ.

૧૪ ફેબ્રુઆરી ૨૦૧૯ના રોજ જ્યારે પુલવામામાં સુરક્ષાબળોના કાફલા પર આતંકવાદી હુમલો થયો તો વિપક્ષે નરેન્દ્ર મોદી સરકાર પર પ્રહારો કર્યા હતા. જમ્મુ-કાશ્મીરના પૂર્વ મુખ્યમંત્રી ફારૂક અબ્દુલ્લાએ કહ્યું હતું કે પુલવામા હુમલાની પાછળ મોદીનો હાથ છે કારણ કે તેઓ ચૂંટણી જીતવા માંગતા હતા. અબ્દુલ્લાએ કહ્યું હતું કે ભારતે અનુરોધ કરવો જોઇએ કે બાલાકોટ હુમલામાં નુકસાનના પુરાવાની તપાસ અને ખુલાસા કરવા માટે એક સંયુકત રાષ્ટ્ર સમિતિની રચના કરવામાં આવે.

પાકિસ્તાનની ઇમરાન ખાન સરકારમાં મંત્રી ફવાદ ચૌધરીએ એક નિવેદનમાં માન્યું છેકે પુલવામામાં સીઆરપીએફના કાફલા પર થયેલા હુમલામાં પાકિસ્તાનનો હાથ હતો. તેમમે કહ્યું હતું કે પુલવામા હુમલો પાકિસ્તાનની કામયાબી છે. ફવાદ ચૌધરીએ પુલવામા હુમલાનો શ્રેય ઇમરાન ખાન અને તેમની પાર્ટી પીટીઆઈને આપ્યો. તેમણે કહ્યું હતું કે પુલવામા હુમલો ઇમરાન ખાન માટે એક ઉપલબ્ધિ છે. જો કે વિવાદ વધ્યા બાદ તેઓ પોતાના નિવેદનથી પલટી ગયા. ફવાદ ચૌધરીએ એક મીડિયા ઇન્ટવ્યુમાં કહ્યું કે બે ઘટના બની હતી. એક ૧૪ ફેબ્રુઆરીના રોજ બની હતી જ્યારે બીજી ૨૬ ફેબ્રુઆરીના રોજ બની હતી.

મેં મારી સ્પીચમાં જે ઘટનાનો ઉલ્લેખ કર્યો છે તે ૨૬ ફેબ્રુઆરીની જ છે. જ્યારે હિન્દુસ્તાને જુર્રત કરી હતી પાકિસ્તાનની સીમામાં ઘૂસવાની અને ત્યારબાદ અમે તેનો જડબાતોડ જવાબ આપ્યો હતો. અમારે જે જેફ-થંડર લડાકુ જહાજ છે, તેમણે પોતાના જહાજોને તબાહ કર્યા હતા અને અભિનંદનને પકડયા હતા. ફવાદ ચૌધરીએ કહ્યું કે મારી આખી સ્પીચ સાંભળશો કે વાંચશો તો વાત ક્લિયર થઇ જશે. તેની સાથે જ તેમણે કહ્યું કે ૧૪ ફેબ્રુઆરીના રોજ ચોક્કસપણે ગભરાટ થઇ હતી. તેના પર અમારા પ્રાઇમ મિનિસ્ટરે પણ વાત કરી હતી. અમે તમને ઓફર કરી હતી કે તમે આવો, પુરાવો આપો, સાથે મળીને પડતાલ કરીએ. પરંતુ તમે એ પણ ના કર્યું. પ્રોબ્લેમ એ છે કે હિન્દુસ્તાનની અંદર પાકિસ્તાનને લઇ ખૂબ જ ગુસ્સો છે જ્યારે પાકિસ્તાનમાં હિન્દુસ્તાનને લઇ આવું નથી.

(12:00 am IST)
  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • ભારતના પૂર્વ વડાપ્રધાન શ્રીમતી ઇન્દિરા ગાંધીની આજ 31 ઓક્ટોબરના રોજ પુણ્યતિથિ : 1984 ની સાલમાં હત્યા થઇ હતી : વડાપ્રધાન શ્રી નરેન્દ્ર મોદીએ શ્રદ્ધાંજલિ પાઠવી access_time 12:36 pm IST

  • અમુક લોકો આતંકવાદના સમર્થનમાં ખુલ્લેઆમ બહાર આવ્યા છે : આ બાબત સમગ્ર વિશ્વ માટે ચિંતાનો વિષય છે : ' રાષ્ટ્રીય એકતા દિવસ ' નિમિત્તે વડાપ્રધાન શ્રી નરેન્દ્ર મોદીનું પ્રવચન : ફ્રાન્સમાં થયેલા આતંકી હુમલાને સમર્થન આપનાર લોકોને આડે હાથ લીધા : દેશના સૌપ્રથમ હોમ મિનિસ્ટર વલ્લભભાઈ પટેલના જન્મ દિવસ નિમિતે સ્મૃતિ વંદના કરી : દેશની સુરક્ષા માટે સરહદ ઉપર લેવાઈ રહેલા પગલાંઓ વિષે માહિતી આપી access_time 10:38 am IST