Gujarati News

Gujarati News

News of Thursday, 31st May 2018

મહાભારત જેવો કિસ્સો ઓરિસ્સામાં જોવા મળ્યોઃ જુગારમાં પત્નીને હારી ગયા બાદ પત્નીને જીતનારે દુષ્‍કર્મ આચર્યુ

બાલાસોરઃ મહાભારતની વાર્તા તો બધાએ સાંભળી જ હશે, જેમાં પાંડવ પોતાની પત્ની દ્રોપદીને જુગારમાં હારી જાય છે. કંઈક આવો જ મામલો ઓરિસ્સામાં સામે આવ્યો છે, જ્યાં એક શખ્સ પોતાની પત્નીને જુગારમાં હારી ગયો. બાદમાં જીતનાર શખ્સે કથિત રીતે યુવતીનો રેપ કર્યો. પીડિતાનો દાવો છે કે આ દરમિયાન એને બચાવવાના બદલે તેનો પતિ આરોપીની મદદ કરી રહ્યો હતો.

પોલીસે જણાવ્યું કે, બાલિકુટ ગામમાં રહેતી આ મહિલાએ પોતાની ફરિયાદમાં કહ્યું કે જ્યારે તેણે પોતાની ઈજ્જત બચાવવાની કોશિશ કરી તો એના પતિએ એું મોઢું બંધ કરી દીધું હતું. આ ગામમાં રહેતા લોકોનું કહેવું છે કે પીડિતાના પતિને જુગાર રમવાની ખરાબ આદત છે અને આ કારણે જ તે દાવમાં પોતાની પત્નીને લગાવી બેઠો અને હારી પણ ગયો. 35 વર્ષની મહિલાએ પોલીસ સ્ટેશને ફરિયાદ દાખલ કરાવી છે કે 23મેના રોજ એની સાથે બળાત્કાર થયો હતો. આરોપીએ પીડિતાના પતિની સહમતીથી આ ઘટનાને અંજામ આપ્યો હતો. પીડિતા બે બાળકોની મા છે.

પોલીસ અધિકારીએ કહ્યું કે અમને ત્યારે ચોંકી ઉઠ્યા જ્યારે 28 મેના રોજઅચાનક પીડિતા કેટલાક ગામના લોકો અને પોતાના પતિ સાથે પોલીસ સ્ટેશને પહોંચી અને લેખિતમાં કહ્યું કે આરોપી સાથે તેની સમજૂતી થઈ ગઈ છે, માટે તે પોતાની ફરિયાદ પરત ખેંચવા માગે છે. જો કે ઠીક આગલા દિવસે તે પોતાના નિવેદનથી પલટી ગઈ અને આ મામલે FIR નોંધાવી દીધી. હવે પોલીસે આ મામલે તપાસ હાથ ધરી છે.

(6:01 pm IST)