Gujarati News

લખનઉઃ બસપા અધ્યક્ષ માયાવતીએ બંગલો ખાલી કરી દીધો છે સુપ્રીમ કોર્ટના આદેશનું પાલન કરતા માયાવતીએ લખનઉમાં લાલબહાદુર શાસ્ત્રી માર્ગ સ્થિત બંગલા નંબર-6 ખાલી કરી દીધો છે. તેમના ખાનગી સચિવે મીડિયાને આ જાણકારી આપી હતી 

   સુપ્રીમના આદેશ પર રાજ્ય સંપત્તિ વિભાગે પૂર્વ મુખ્યપ્રધાનોને 15 દિવસની અંદર બંગલો ખાલી કરવાની નોટિસ જારી કરી હતી, ત્યારબાદ માયાવતીએ બંગલો ખાલી કરી દીધો છે. 

આ પહેલા રાજ્ય સંપત્તિ વિભાગે 13 મોલ એવેન્યૂને ખાલી કરવાની નોટિસ આપી હતી, કારણ કે આ બંગલો માયાવતીના નામે ફાળવાયેલો હતો. બીજીતરફ માયાવતીએ 2011નો એક શાસનાદેશ દેખાડતા દાવો કર્યો કે, 13 મોલ એવેન્યૂ ભૂલથી પોતાના સરકારી બંગલા તરીકે લખવામાં આવ્યો, જ્યારે આ બંગલો કાશીરામ સ્મારકના નામથી ફાળવવામાં આવ્યો છે. 

   માયાવતીએ 6 લાલ બહાદુર શાસ્ત્રી માર્ગને ખાલી કરી દીધો છે, પરંતુ જ્યારે રાજ્ય સંપત્તિ વિભાગમાંથી કોઈ અધિકારી તેની ચાવી લેવા ન આવ્યો તો તેને સ્પીડ પોસ્ટથી મોકલવામાં આવી. માયાવતી તરફથી જારી નિવેદનમાં આ વાતની જાણકારી આપવામાં આવી છે.