Gujarati News

શાહજહાંપુરમાં 11 કરોડના ખર્ચે બનેલો પુલ સોમવારે ધડામ દઈને નીચે આવ્યો. આ પુલનું નિર્માણ કામ 2008માં થયો હતો. આ પુલના તૂટવાથી લોકોને હવે 60 કિલો મીટરથી પણ વધારેનું અંતર કાપવું પડશે.

યુપીના શાહજહાંપુરમાં રામગંગા નદી પર બનેલા બે કિમી લાંબા પુલનો એક ભાગ નીચે પડી ગયો. જો કે, આ ઘટનામાં કોઈ જાનહાની થઈ નથી. જિલ્લા કલેક્ટર ઈંદર વિક્રમ સિંહે કહ્યું કે, પુલ મુરાદાબાદ-બદાયૂને જલાલાબાદ-બરેલી-ઈટાવા સાથે જોડે છે. હાલમાં જ તેનો એક પિલર પડી જવાની ફરિયાદ મળ્યા બાદ તેના રિપેરની કામગીરી કરવામાં આવી હતી

જિલ્લા અધિકારીએ જણાવ્યું કે, જે સમયે આ દુર્ઘટના થઈ તે સમયે પુલ પર વાહન વ્યવહાર ચાલું નહોતો. આ ઘટના બાદ તાત્કાલિક વાહનવ્યહાર પણ બંધ કરી દેવામાં આવ્યો અને બદાયૂ-મુરાદાબાદથી આવતા વાહનોને અમૃતસર અને ફર્રુખાબાદ ડાયવર્ટ કરવામાં આવ્યા હતા.

આ સાથે જ પૈંટૂન બ્રિજ બનાવવા માટે સરકાર તરફથી સહમતી મળી ગઈ છે. તેમણે કહ્યું કે, રાજ્ય પુલ નિગમ તરફથી એન્જીનિયરની ટીમને નિરીક્ષણ અને પૈંટૂન પુલના નિર્માણ માટે મોકલવામાં આવ્યા છે.

આ પુલના તૂટવાથી હવે લોકોને પાંચ કિમીની યાત્રા માટે 60 કિમીનું અંતર કાપવું પડશે. પ્રાપ્ત જાણકારી અનુસાર જોઈએ તો, સેતુ નિગને આ પુલ બનાવીનું કામ લોક નિર્માણ વિભાગને સોંપ્યું હતું. વિતેલા બે વર્ષથી આ પુલની હાલત જર્જર થવા લાગી હતી. તેનાથી પુલમાં મરમ્મતના કામ થતા રહે છે.

કહેવાય છે કે, આ પુલને 2002માં બનાવાની મંજૂરી મળી હતી. 2008માં તે 11 કરોડ રૂપિયાના ખર્ચાથી બનીને તૈયાર થયો હતો. પણ ફક્ત 13 વર્ષમાં આ પુલ જમીનદોસ્ત થયો. જર્જર થઈ રહેલા પુલને લઈને સ્થાનિક લોકોએ કેટલીય ફરિયાદ પણ કરી હતી. પણ યોગ્ય કાર્યવાહી થતી નથી. હવે પ્રસાશન આ મામલાની તપાસની વાત કરી રહ્યા છે.