Gujarati News

કોલકત્તાઃ ભારતીય અર્થવ્યવસ્થા ઉપર કોરોના મહામારીની વ્યાપક અસર પડી છે. અર્થશાસ્ત્રના જાણકારો મુજબ વર્ષ ૨૦૨૫ સુધી ભારતીય અર્થવ્યવસ્થા ઉપર કોરોનાની અસર રહેશે. વિશ્વની મોટી અર્થવ્યવસ્થાઓમાં ભારતીય અર્થવ્યવસ્થાને આ મહામારીના પ્રકોપના કારણે વધુ નુકશાન થશે.

વર્ષ ૨૦૨૫ સુધી ભારતની પ્રત્યેક કૈપીટા જીડીપી કોરોના મહામારીથી પહેલાના મુકાબલે ૧૨ ટકા નીચે રહેવાનું અનુમાન છે. દુનિયાની અર્થવ્યવસ્થા ઉપર નજર રાખનાર સંસ્થા ઓકસફોર્ડ ઇકોનોમીકસના ભારતીય અર્થવ્યવસ્થા ઉપર પોતાના હાલના રીપોર્ટમાં જણાવેલ કે ૨૦૨૦થી ૨૦૨૫ દરમિયાન આર્થિક વિકાસ દર ૪.૫ ટકા રહેવાનું પુર્વાનુમાન છે. કોરોના પહેલા આ દર ૬.૫ ટકા અંદાજાયેલ.