Gujarati News

Gujarati News

News of Monday, 30th November 2020

તબીબોએ તાત્કાલીક સારવાર ચાલુ ન કરતાં મારાડોનાનું અવસાન થયું'તુ

મારાડોનાના પરિવારજનો અને વકિલનો આરોપઃ દવાઓ પણ બરાબર આપવામાં આવી ન હતીઃ દિગ્ગજ ફૂટબોલરના મગજનું ઓપરેશન કરાયા બાદ માત્ર આઠ દિવસમાં જ રજા આપી દેવામાં આવી હતી, એમ્બ્યુલન્સ પણ અડધો કલાક બાદ આવી હતી, ડોકટરોએ ભારે લાપરવાહી કરી હોવાનો પણ આક્ષેપઃ તબીબની હોસ્પિટલે- ઘરે પોલીસના દરોડા

નવી દિલ્હીઃ આર્જેન્ટીનાના દિગ્ગજ ફૂટબોલર મારાડોનાના ડો.લીયોપોલ્ડો લુકેની હોસ્પિટલ અને ઘરે દરોડો પાડયો છે. આર્જેન્ટીનાના મીડિયાના જણાવ્યા અનુસાર પોલીસ તપાસ કરી રહી છે કે મારાડોનાની સારવાર દરમ્યાન કોઈપણ જાતની લાપરવાહી તો થઈ નથી ને?

મારાડોનાનો પરિવાર અને વકિલે એવો આક્ષેપ કર્યો હતો કે સારવાર દરમ્યાન લાપરવાહી કરવામાં આવી હતી. એટલા માટે જ મારોડોનાનું અવસાન થયું હતું. મારાડોનાની દીકરીએ આરોપ લગાવ્યો છે કે ડોકટર તરફથી તેને બરાબર દવા આપવામાં આવી ન હોય તેનું અવસાન થયું હતું.

૬૦ વર્ષના મારાડોનાને ૨૫ નવેમ્બરે હાર્ટએટેક આવતા આર્જેન્ટીનાની રાજધાની બ્યૂન્સ આઈરસ સ્થિત તેના ઘરમાં તેનું નિધન થયું હતું.

મારાડોનાના વકીલ મટિયાસ મોરલાએ તેમના અવસાનની જાણકારી સાર્વજનિક તરીકે કરી હતી. આ અગાઉ નવેમ્બર મહિનાના શરૂઆતના દિવસોમાં મારાડોનાના મગજનું સફળ ઓપરેશન કરાયા બાદ આઠ દિવસમાં હોસ્પિટલમાંથી રજા આપવામાં આવી હતી. ઉપરાંત દારૂની લત છોડવવા માટે પણ તેમની સારવાર ચાલતી હતી. મારાડોનાના વકીલ મટિયાસ મોરલાએ આ મામલે તપાસની માંગ કરી છે. તેમણે કહ્યું કે મારોડોનાના ઘરે એમ્બ્યુલન્સને પહોંચતા ૩૦ મિનિટથી વધુ સમય લાગ્યો હતો. હોસ્પિટલમાં પણ મોડેથી સારવાર શરૂ કરવામાં આવી હતી.

(11:27 am IST)
  • આજે છાયા ચંદ્રગ્રહણ : ભારતના પૂર્વ ભાગમાં દેખાશે : ગુજરાતમાં નહીં દેખાય ગ્રહણની અવધિ ૪ કલાકને ૨૩ મિનિટ : ગ્રહણ સ્પર્શ ૧૨ કલાકને ૫૯ મિનિટ ૪૧ સેકન્ડ : ગ્રહણ મોક્ષ : પ કલાક ૨૫ મિનિટ ૩૨ સેકન્ડ : ટેલિસ્કોપની મદદથી આ અવકાશી ખગોળીય ઘટના નિહાળી શકાશે : ગુજરાતમાં ગ્રહણ જોવા નહીં મળે : માત્ર ભારતના પૂર્વ વિભાગના અલ્હાબાદ, બાલી, ભાગલપુર, કટક સહીતના વિસ્તારોમાં જોવા મળશે : વિજ્ઞાન જાથા દ્વારા અવકાશી ખગોળી ઘટનાના અવલોકન : ગેરમાન્યતાના ખંડન સાથે લોકોને સાચુ માર્ગદર્શન આપવા ઠેરઠેર કાર્યક્રમો થશે તેમ જાથાના રાજયના ચેરમેન એડવોકેટ જયંત પંડયાની યાદીમાં જણાવાયુ છે access_time 11:25 am IST

  • બંગાળના અખાતમાં ડિપ્રેશન બન્યુ, ૨૪ કલાકમાં ડિપડિપ્રેશનમાં ફેરવાશે : દક્ષિણ - પૂર્વ બંગાળના અખાત ઉપર ડિપ્રેશન સર્જાયુ છે જે ડિપ ડિપ્રેશનમાં ફેરવાઈ જાય તેવી પૂરી સંભાવના હોવાનું હવામાન ખાતાએ જણાવ્યુ છે access_time 1:28 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 11-30 વાગ્યા સુધીમાં કોરોનાના નવા 30,664 કેસ નોંધાયા : કુલ કેસની સંખ્યા 94, 62, 739 થઇ : એક્ટીવ કેસ 4,35,176 થયા : વધુ 41,427 દર્દીઓ સ્વસ્થ થતા કુલ 88,77,740 રિકવર થયા : વધુ 472 લોકોના મોત સાથે કુલ મૃત્યુઆંક 1,37, 649 થયો access_time 12:12 am IST