Gujarati News

નવી દિલ્હી : ડુંગળીના ભાવ આખા દેશમાં આકાશને આંબી રહ્યા છે, જ્યારે બિહાર, ઝારખંડમાં બિસ્કોમન નાફેડના સહયોગથી રૂ. 35 કિલો ડુંગળી આપવામાં આવી રહી છે. પરંતુ આ ડુંગળીનું વિતરણ કરવા આવેલા અધિકારીઓ હેલ્મેટ પહેરેલા જોવા મળે છે. હકીકતમાં, આની પાછળનું કારણ એ છે કે આટલા સસ્તા ભાવે ડુંગળી મેળવવાની પ્રક્રિયામાં, બહુ ભીડ ભેગી થઇ રહી છે. અને કેટલાક સ્થળો પર ભીડ ગુસ્સે થઈ રહી છે અને અધિકારીઓને નિશાન બનાવી રહી છે.

ડુંગળીનું વિતરણ કરવા આવેલા બિસ્કોમન અધિકારી રોહિત કુમારે જણાવ્યું હતું કે, 'અમુક સ્થળોએ પથ્થરમારો અને નાસભાગની ઘટનાઓ બની છે. આવી સ્થિતિમાં, અમારી પાસે આ વિકલ્પ છે. અમને કોઈ સુરક્ષા આપવામાં આવી નથી. રવિવારે બિસ્કોમનની ટ્રકની પાછળ લોકોની લાંબી કતાર જોવા મળી હતી જે પટણામાં ડુંગળી વહેંચવા માટે આવી હતી. બિસ્કોમેન 2 કિલો ડુંગળી પ્રતિ વ્યક્તિદીઠ 35 રૂપિયા આપી રહ્યું છે.

શનિવારે કેટલાક લોકોએ ફરિયાદ કરી હતી કે બિસ્કોમેનના કર્મચારીઓ ડુંગળીના વિતરણમાં ભેદભાવ કરી રહ્યા છે. લોકોએ ફરિયાદ કરી હતી કે આ લોકો કમિશન લઈને શાકભાજી માલિકો અને તેમના લોકોને નિયત જથ્થા કરતા વધારે ડુંગળી આપી રહ્યા છે. આ ડુંગળીનું વિતરણ કરવા આવેલા અધિકારીઓ હેલ્મેટ પહેરેલા જોવા મળે છે.