Gujarati News

Gujarati News

News of Friday, 30th October 2020

દેશની 12 લાખ શાળાને સ્માર્ટ ક્લાસરૂમમાં ફેરવવાની યોજના

આગામી 3 વર્ષમાં દેશના 6 લાખ ગામોને હાઇ સ્પીડ ઓપ્ટિક ફાઇબરથી જોડાશે

નવી દિલ્હી: સરકાર દેશની 12 લાખ શાળાઓને સ્માર્ટ ક્લાસરૂમમાં રૂપાંતરિત કરવાની મહત્વાકાંક્ષી યોજના પર કામ કરી રહી છે. એક અધિકારીએ આ માહિતી આપી છે. આ યોજના અંગે હજી વિચારણા ચાલી રહી છે પરંતુ ઇલેક્ટ્રોનિક્સ અને આઇટી મંત્રાલયના અધિકારીઓ આ પ્રોજેક્ટ માટે જાહેર-ખાનગી મોડેલ પર વિચાર કરી રહ્યા છે. આમાં વિદ્યાર્થી દીઠ સરેરાશ માસિક ખર્ચ ફક્ત 5 રૂપિયા થઈ શકે છે.આની પાછળનો વિચાર એ છે કે દેશના દૂર રહેતા બાળકોને પણ ઇ-લર્નિંગ અને અભ્યાસની ડિજિટલ પદ્ધતિઓથી લાભ મળવો જોઈએ. આ દેશના કેટલાક દૂરના વિસ્તારોમાં શિક્ષકોની અછતને પણ પૂર્ણ કરશે. દરખાસ્તને અંતિમ સ્વરૂપ મળ્યા બાદ તેને મંજૂરી અને સૂચનો માટે શિક્ષણ મંત્રાલયને મોકલવામાં આવશે. સરકારે આગામી 3 વર્ષમાં દેશના 6 લાખ ગામોને હાઇ સ્પીડ ઓપ્ટિક ફાઇબરથી જોડવાનું લક્ષ્‍યાંક બનાવ્યું છે.

અધિકારીએ કહ્યું કે, 2025 સુધીમાં દેશના મોટાભાગના ગામો ડિજિટલ વિલેજ બનશે. હવે સ્કૂલને સ્માર્ટ ક્લાસરૂમમાં કેવી રીતે રૂપાંતરિત કરવી તે અંગે ચર્ચા થઈ રહી છે જ્યાં ટેક્નોલોજી દ્વારા વિદ્યાર્થીઓ માટે ઘણી વસ્તુઓ શક્ય બની શકે છે. જ્યાં શિક્ષકો ન હોય તેવા વિસ્તારોમાં પણ બાળકોને વર્ચ્યુઅલ સ્ક્રીન દ્વારા શીખવવામાં આવી શકે છે. અધિકારીએ કહ્યું કે ખાનગી ઉદ્યોગ રોકાણની જવાબદારી લઈ શકે છે અને સરકાર તેમને ચૂકવણી કરી શકે છે. કોમન સર્વિસ સેન્ટર ઓપરેટર પણ આ ચલાવી શકે છે.

તેમણે કહ્યું કે, આ વ્યવસાયિક મોડેલમાં દરેક માટે ઘણી સંભાવનાઓ છે. દેશમાં ઇ-લર્નિંગનો ટ્રેન્ડ વધી રહ્યો છે. બાયજુ, અપગ્રેડ, યુનાકેડેમી જેવા એડટેક સ્ટાર્ટઅપ્સ લોકપ્રિય થઈ રહ્યા છે. જો કે, તે હજી પણ ફક્ત એપ્લિકેશન બેસ્ડ લેક્ચર સુધી મર્યાદિત છે. અધિકારીએ જણાવ્યું કે, દરેક બાળક પાસે સ્માર્ટફોન નથી, તેથી આપણે ખાતરી કરવી પડશે કે તેઓ સામાન્ય ભાષા દ્વારા તેમની ભાષામાં ગુણવત્તાવાળું કન્ટેન્ટ મેળવે.

(7:25 pm IST)
  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • ' તારક મહેતાકા ઉલ્ટા ચશ્મા ' ટોપ 5 ની રેસમાંથી બહાર :' સાથ નિભાના સાથિયા 2 ' ની ધમાકેદાર એન્ટ્રી : પ્રીમિયર એપિસોડથી જ ટોપ 5 માં સ્થાન મેળવી લીધું : ' છોટી સરદારની ' પણ ટોપ 5 માંથી બહાર : ' ગૂમ હૈ કિસીકે પ્યારમેં ' ની ટોપ 5 માં એન્ટ્રી : 17 થી 23 ઓક્ટોબર સુધીની છેલ્લી ટીઆરપી access_time 6:15 pm IST

  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST