Gujarati News

Gujarati News

News of Friday, 30th October 2020

ચૂંટણી પંચની મોટી કાર્યવાહી :સ્ટાર પ્રચારકમાંથી કમલનાથનું નામ હટાવી દીધું

પ્રચાર કરવા બોલાવવા હોય તો આપવો પડશે ખર્ચો :આચારસંહિતાનું વારંવાર ઉલ્લંઘન કરવાબદલ કાર્યવાહી

નવી દિલ્હી : મધ્યપ્રદેશના પૂર્વ મુખ્યમંત્રી અને કોંગ્રેસના વરિષ્ઠ નેતા કમલનાથ પર ચૂંટણી પંચે કડક કાર્યવાહી કરી છે. ચૂંટણી પંચે કમલનાથનું નામ સ્ટાર પ્રચારકોમાંથી હટાવી દીધુ છે. આદર્શ આચારસંહિતાનું વારંવાર ઉલ્લંઘન કરવા પર ચૂંટણી પંચે આ કાર્યવાહી કરી છે. જો કે, કમલનાથ મધ્યપ્રદેશમાં ચૂંટણી પ્રચાર કરી શકશે, પણ ખર્ચો પાર્ટી નહીં ઉમેદવારે આપવો પડશે.

 ચૂંટણી પંચે પોતાના આદેશમાં કહ્યુ છે કે, કમલનાથની વિરુદ્ધમાં આચાર સંહિતા ઉલ્લંઘનની કેટલીય ફરિયાદો આવી છે. ભાજપ નેતા ઈમરતી દેવીને આઈટમ બોલવા તથા અન્ય એક સભામાં શિવરાજ સિંહ ચૌહાણને પણ નાટકબાજ કહ્યા હતા.

  ચૂંટણી પંચની વારંવાર રજૂઆત અને ચેતવણી છતાં કમલનાથે પોતાની જીભ પર લગામ લગાવી નહોતી. જેને લઈને ચૂંટણી પંચે હવે એક્શન લીધી છે.

(6:37 pm IST)
  • દેશમાં કોરોના કેસનો આંકડો 81 લાખને પાર પહોંચ્યો : જોકે નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,117 કેસ નોંધાયા:કુલ કેસનો આંકડો 81,36,166 થયો :એક્ટીવ કેસ ઘટીને 5,82,160 થયા:વધુ 59,005 દર્દીઓ સ્વસ્થ થતા કુલ 74,30,911 રિકવર થયા :વધુ 550 લોકોના મોત સાથે કુલ મૃત્યુઆંક 1,21,681 થયો access_time 1:04 am IST

  • મુંબઈના ભીંડી બજાર વિસ્તારમાં કેટલાક દેશવિરોધી તત્વોએ ફ્રાન્સના રાષ્ટ્રપતિ મેક્રોની તસવીરો રોડ ઉપર લગાડી છે. સેંકડો લોકો તેના ઉપરથી પસાર થઇ રહ્યા છે. આવા તત્વોની તાત્કાલિક ધરપકડ કરવા સોશિયલ મીડિયા ઉપર માગણી થઈ રહી છે. જાણીતા પત્રકાર શીલા ભટ્ટે ટ્વિટર હેન્ડલ ઉપર આ વીડિયો પણ મૂકી છે. access_time 2:38 pm IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST