Gujarati News

Gujarati News

News of Friday, 30th October 2020

૨૮મો દિવસ

પેટ્રોલ - ડીઝલના ભાવો યથવાતઃ મોટો વધારો આવતા પહેલાની શાંતિ ?

નવી દિલ્હી : આંતરરાષ્ટ્રીય બજારમાં ક્રૂડ ઓઇલના ભાવનો ઘટાડો, સ્થાનિક બજારમાં પણ જોવા મળી રહ્યો છે. ઓઇલ માર્કેટિંગ કંપનીઓએ સતત ૨૮ મા દિવસે પેટ્રોલ અને ડીઝલની કિંમતમાં, કોઈ ફેરફાર કર્યો નથી. આજે શુક્રવારે પાટનગર દિલ્હીમાં પેટ્રોલ ૮૧.૦૬ રૂપિયા અને ડીઝલ ૭૦.૪૬ રૂપિયા પ્રતિ લિટર વેચાઇ રહ્યુ છે. ઈન્ડિયન ઓઇલની વેબસાઇટ અનુસાર દેશ ના અન્ય મહાનગરો મુંબઇ, ચેન્નાઈ અને કોલકાતા માં પેટ્રોલના ભાવ અનુક્રમે ૮૭.૭૪ રૂપિયા, ૮૪.૧૪ રૂપિયા અને ૮૨.૫૯ રૂપિયા છે. જયારે ડીઝલ પણ અનુક્રમે ૭૬.૮૬ રૂપિયા, ૭૫.૯૫ રૂપિયા અને ૭૩.૯૯ રૂપિયા પ્રતિ લિટર મળી રહ્યુ છે. જો કે જાણકાર વર્તુળો માને છે કે કોઇપણ પ્રકારનો 'કર'   તૂર્તમાં જ આવી રહયો છે.

(3:48 pm IST)
  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • મુંબઈના ભીંડી બજાર વિસ્તારમાં કેટલાક દેશવિરોધી તત્વોએ ફ્રાન્સના રાષ્ટ્રપતિ મેક્રોની તસવીરો રોડ ઉપર લગાડી છે. સેંકડો લોકો તેના ઉપરથી પસાર થઇ રહ્યા છે. આવા તત્વોની તાત્કાલિક ધરપકડ કરવા સોશિયલ મીડિયા ઉપર માગણી થઈ રહી છે. જાણીતા પત્રકાર શીલા ભટ્ટે ટ્વિટર હેન્ડલ ઉપર આ વીડિયો પણ મૂકી છે. access_time 2:38 pm IST

  • દેશમાં કોરોના કેસનો આંકડો 81 લાખને પાર પહોંચ્યો : જોકે નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,117 કેસ નોંધાયા:કુલ કેસનો આંકડો 81,36,166 થયો :એક્ટીવ કેસ ઘટીને 5,82,160 થયા:વધુ 59,005 દર્દીઓ સ્વસ્થ થતા કુલ 74,30,911 રિકવર થયા :વધુ 550 લોકોના મોત સાથે કુલ મૃત્યુઆંક 1,21,681 થયો access_time 1:04 am IST