Gujarati News

Gujarati News

News of Friday, 30th October 2020

દિપાવલી પર્વનું કાઉન્ટડાઉન શરૂ થયું હોવા છતાં બજારમાં હજી મંદી

વર્ષ ૨૦૨૦માં ધંધો તદ્દન ખોટમાં હોવાનું વેપારીઓનું મંતવ્યઃ મોંઘવારી જેવા પરિબળોને કારણે લોકોની આર્થિક સ્થિતિ કથળી

નવી દિલ્હી, તા.૩૦: દિપાવલી પર્વના આડે હવે માત્ર ગણતરીના દિવસો બાકી રહ્યા છે ત્યારે એમ કહી શકાય કે દિપાવલી પર્વનું કાઉન્ટડાઉન શરૂ થઈ ગયુ છે તેમ છતાં હજી બજારોમાં ખરીદીની કોઈ તેજી જણાતી નથી. હાલ લોકો માત્ર નાના બાળકો માટે કપડા અને પગરખાની ખરીદી કરી રહ્યા છે. દિપાવલી પર્વ નજીક આવતો હોવા છતાં બજારમાં ખરીદી ન જણાતા વેપારીઓ ચિંતામા ગરકાવ થઈ ગયા છે.

વેપારીઓએ ગ્રાહકોને આકર્ષવા માટેવિવિધ સેલની પણ જાહેરાત કરી છે તેમ છતાં હજી સુધી ખરીદીની તેજી જણાય નથી.

આવા સમયે વેપારીઓ ખુબ અવઢવમાં મુકાઈ ગયા છે. દિપાવલીને અનુલક્ષીને કપડાથી માંડીને ખાદ્યસામગ્રી અને પગરખા તેમજ અન્ય ચીજવસ્તુઓનો ભારે ઓર્ડર વેપારીઓ આપી ચુકયા છે અને તે મુજબનો માલ-સામાન આવી ચુકયો છે. વેપારીઓની દુકાનો ભરાઈ ગઈ છે પરંતુ ખરીદી ન જણાતા ચિંતામા વધારો જણાયો છે.

દેવુ કરીને તેમજ વ્યાજે રૂપિયા લાવી દિપાવલીનો ધંધો કરતા વેપારીઓ માટે વર્ષ ૨૦૨૦ની દિવાળી દેવાળુ કાઢશે એમ પણ કેટલા વેપારીઓ કહી રહ્યા છે. કોરોના સાથે લોકડાઉન અને મંદી અને મોંઘવારી જેવા અનેક પરિબળોના પરિણામે લોકોની આર્થિક પરિસ્થિતિ  ખુબ તંગ બની ગઈ છે.

(10:11 am IST)
  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • દેશમાં કોરોના કેસનો આંકડો 81 લાખને પાર પહોંચ્યો : જોકે નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,117 કેસ નોંધાયા:કુલ કેસનો આંકડો 81,36,166 થયો :એક્ટીવ કેસ ઘટીને 5,82,160 થયા:વધુ 59,005 દર્દીઓ સ્વસ્થ થતા કુલ 74,30,911 રિકવર થયા :વધુ 550 લોકોના મોત સાથે કુલ મૃત્યુઆંક 1,21,681 થયો access_time 1:04 am IST