Gujarati News

Gujarati News

News of Friday, 30th October 2020

દિલ્હી સરકારે ટેસ્ટિંગ રણનીતિ બદલાવતા કોરોના કેસમાં જબરો વધારો: સત્યૈન્દ્ર જૈન

હવે પરિવારના સભ્યો અને નિકટના લોકોનો પણ ટેસ્ટ કરાય છે

નવી દિલ્હી : દિલ્હીના સ્વાસ્થ્ય પ્રધાન સત્યૈન્દ્ર જૈનએકહ્યું કે સરકારે કોરોનાની તપાસ માટે ટેસ્ટિંગ રણનીતિ બદલી છે. હવે પરિવારના સભ્યો અને કોરોના પોઝિટીવ દર્દીઓના નિકટના લોકોનો પણ ટેસ્ટ કરવામાં આવી રહ્યો છે. એટલા માટે દિલ્હીમાં કોરોનાના કેસમાં વધારો જોવા મળી રહ્યો છે.

   દિલ્હીમાં બુધવારે પહેલી વખત કોરોનાના અત્યાર સુધીના સૌથી વધુ 5 હજાર 673 નવા કેસ નોંધાયા હતા. જ્યારે કે એક જ દિવસમાં કોરોનાથી 40 લોકોના મોત થયા હતા. જ્યારે સત્યૈન્દ્ર જૈનને દિલ્હીમાં કોરોનાની ત્રીજી લહેર અંગે સવાલ કરાયો તો તેમણે કહ્યું કે આપણે રાજધાનીમાં આ પ્રકારની સ્થિતિનું વિશ્લેષણ કરવા માટે ઓછામાં ઓછા એક સપ્તાહ સુધી રાહ જોવી જોઇએ. હજુ આ અંગે કંઇ પણ કહેવું ઉતાવળીયું ગણાશે.

(12:00 am IST)
  • દેશમાં કોરોના કેસનો આંકડો 81 લાખને પાર પહોંચ્યો : જોકે નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,117 કેસ નોંધાયા:કુલ કેસનો આંકડો 81,36,166 થયો :એક્ટીવ કેસ ઘટીને 5,82,160 થયા:વધુ 59,005 દર્દીઓ સ્વસ્થ થતા કુલ 74,30,911 રિકવર થયા :વધુ 550 લોકોના મોત સાથે કુલ મૃત્યુઆંક 1,21,681 થયો access_time 1:04 am IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • ' તારક મહેતાકા ઉલ્ટા ચશ્મા ' ટોપ 5 ની રેસમાંથી બહાર :' સાથ નિભાના સાથિયા 2 ' ની ધમાકેદાર એન્ટ્રી : પ્રીમિયર એપિસોડથી જ ટોપ 5 માં સ્થાન મેળવી લીધું : ' છોટી સરદારની ' પણ ટોપ 5 માંથી બહાર : ' ગૂમ હૈ કિસીકે પ્યારમેં ' ની ટોપ 5 માં એન્ટ્રી : 17 થી 23 ઓક્ટોબર સુધીની છેલ્લી ટીઆરપી access_time 6:15 pm IST