Gujarati News

Gujarati News

News of Friday, 30th October 2020

હવે ફિલ્મનું નામ માત્ર 'લક્ષ્મી'

વિવાદોમાં ઘેરાયેલી અક્ષય કુમારની ફિલ્મ 'લક્ષ્મી બોમ્બ'નું બદલાયું નામ

અક્ષય કુમારની આ નવી ફિલ્મ ૯ નવેમ્બરના ઓટીટી પ્લેટફોર્મ ડિઝની પ્લસ હોટસ્ટાર પર રિલીઝ થવાની છે

મુંબઇ,તા. ૩૦:અક્ષય કુમારની નવી ફિલ્મ 'લક્ષ્મી બોમ્બ' રિલીઝ થતાં પહેલાં જ વિવાદોમાં ઘેરાઇ છે. ફિલ્મના નિર્માતાઓએ વિવાદને શાંત કરવા માટે હવે આ ફિલ્મનું નામ બદલાવવાનો નિર્ણય લીધો છે. હવે ફિલ્મના ટાઇટલમાંથી બોમ્બ શબ્દ હટાવી દેવામાં આવ્યો છે. ફિલ્મનું નવું નામ હશે 'લક્ષ્મી' નોંધનીય છે કે ફિલ્મ ૯ નવેમ્બરના રોજ ઓટીટી પ્લેટફોર્મ ડિઝની પ્લસ હોટસ્ટાર પર રિલીઝ થવાની છે.

રાઘવ લોરેન્સ દ્વારા નિર્દેશિત આ ફિલ્મને ગુરુવારે સેન્સર સર્ટિફિકેટ માટે મોકલી દેવામાં આવી હતી. સ્ક્રીનિંગ પછી ફિલ્મ મેકર્સ અને CBFC વચ્ચે ફિલ્મને લઈને ચર્ચા થઈ. લોકોની ભાવનાઓને ધ્યાનમાં રાખતા ફિલ્મના પ્રોડ્યૂસર્સ- શબીના ખાન, તુષાર કપૂર અને અક્ષય કુમારે ફિલ્મનું નામ બદલવાનો નિર્ણય લીધો છે.

આ ફિલ્મનું ટ્રેલર લોન્ચ થયું ત્યારે પણ આ ફિલ્મ વિવાદોમાં ઘેરાઇ ગઈ હતી. ટ્રેલર રિલીઝ થતાં જ અનેક ટ્વિટર યૂઝર્સે આને 'લવ જિહાદ'ને પ્રોત્સાહન આપતી ફિલ્મ છે એવા આરોપ મૂકયા હતા. જો કે, ફિલ્મનું ટ્રેલર ખૂબ જ લોકપ્રિય પણ થયું હતું, અનેક સિતારાઓએ ટ્રેલરના અને ફિલ્મના વખાણ પણ કર્યા હતા.

(10:15 am IST)
  • ' તારક મહેતાકા ઉલ્ટા ચશ્મા ' ટોપ 5 ની રેસમાંથી બહાર :' સાથ નિભાના સાથિયા 2 ' ની ધમાકેદાર એન્ટ્રી : પ્રીમિયર એપિસોડથી જ ટોપ 5 માં સ્થાન મેળવી લીધું : ' છોટી સરદારની ' પણ ટોપ 5 માંથી બહાર : ' ગૂમ હૈ કિસીકે પ્યારમેં ' ની ટોપ 5 માં એન્ટ્રી : 17 થી 23 ઓક્ટોબર સુધીની છેલ્લી ટીઆરપી access_time 6:15 pm IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • મુંબઈના ભીંડી બજાર વિસ્તારમાં કેટલાક દેશવિરોધી તત્વોએ ફ્રાન્સના રાષ્ટ્રપતિ મેક્રોની તસવીરો રોડ ઉપર લગાડી છે. સેંકડો લોકો તેના ઉપરથી પસાર થઇ રહ્યા છે. આવા તત્વોની તાત્કાલિક ધરપકડ કરવા સોશિયલ મીડિયા ઉપર માગણી થઈ રહી છે. જાણીતા પત્રકાર શીલા ભટ્ટે ટ્વિટર હેન્ડલ ઉપર આ વીડિયો પણ મૂકી છે. access_time 2:38 pm IST