Gujarati News

Gujarati News

News of Friday, 30th October 2020

તમારે તમારી સુંદર ગાડીઓનો ઉપયોગ બંધ કરી બાઈસીકલ ઉપર કોર્ટમાં આવવું જોઈએ : હવાઈ પ્રદુષણ મામલે સુપ્રીમ કોર્ટમાં કરાયેલી જાહેર હિતની અરજી અનુસંધાને વકીલોને ચીફ જસ્ટિસ શ્રી બોબડેની સલાહ

ન્યુદિલ્હી :  હવાઈ પ્રદુષણ મામલે સુપ્રીમ કોર્ટમાં જાહેર હિતની અરજી કરવામાં આવી છે.જેના અનુસંધાને પ્રદુષણ ઘટાડવા માટે હળવી ક્ષણો દરમિયાન ચીફ જસ્ટિસ શ્રી બોબડે એ વકીલોને કહ્યું હતું કે તમારે તમારી સુંદર ગાડીઓનો ઉપયોગ બંધ કરી બાઈસીકલ ઉપર કોર્ટમાં આવવું જોઈએ .

સરકાર વતી સોલિસિટર શ્રી તુષાર મહેતાએ જણાવ્યું હતું કે આ માટે કેન્દ્ર સરકાર દ્વારા કમિટીની નિમણુંક કરવામાં આવશે.જે પ્રદુષણ નિયંત્રણ માટે જેતે રાજ્યનું પ્રતિનિધિત્વ કરશે. તથા દેખરેખ રાખશે. સરકાર આ માટે કાયદો પણ લાવવાનું વિચારી રહી છે. સરકારના આ નિર્ણયને ચીફ જસ્ટિસ શ્રી બોબડે એ આવકાર્યો હતો.તથા જણાવ્યું હતું કે કમિટી કાર્યરત થાય ત્યાં સુધી લોકોના આરોગ્યની જવાબદારી સરકારની રહેશે.પ્રદુષણ ફેલાતું અટકાવવાનું કામ કોર્ટનું નહીં સરકારનું છે.
પ્રદુષણ નિયંત્રણ માટે રચાનારી નિવૃત જજ મદન લોકરની  એક વ્યક્તિની કમિટીનો નિર્ણય  અનામત રાખવામાં આવ્યો છે.આગામી સુનાવણી માટે 2 નવેમ્બરની તારીખ નક્કી કરાઈ છે.તેવું બી એન્ડ બી દ્વારા જાણવા મળે છે.

(12:00 am IST)
  • મુંબઈના ભીંડી બજાર વિસ્તારમાં કેટલાક દેશવિરોધી તત્વોએ ફ્રાન્સના રાષ્ટ્રપતિ મેક્રોની તસવીરો રોડ ઉપર લગાડી છે. સેંકડો લોકો તેના ઉપરથી પસાર થઇ રહ્યા છે. આવા તત્વોની તાત્કાલિક ધરપકડ કરવા સોશિયલ મીડિયા ઉપર માગણી થઈ રહી છે. જાણીતા પત્રકાર શીલા ભટ્ટે ટ્વિટર હેન્ડલ ઉપર આ વીડિયો પણ મૂકી છે. access_time 2:38 pm IST

  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST