Gujarati News

Gujarati News

News of Friday, 30th October 2020

મહારાષ્ટ્રમાં કોરોનાનો પ્રકોપ યથાવત્: લોકડાઉન 30 નવેમ્બર સુધી લંબાવાયુ

ફરી એક વાર ગાઈડલાઈન જાહેર કરી રાજ્યમાં 30 નવેમ્બર સુધી લોકડાઉન વધારી દીધુ

મુંબઈ :મહારાષ્ટ્રમાં કોરોનાના સંક્રમણના જોખમનું સ્તર હજી ઉંચુ છે. જેને ધ્યાનમાં લઇને મહારાષ્ટ્રની સરકારે કડક હાથે રાજ્યમાં લોકડાઉન લંબાવવાનો નિર્ણય લીધો છે. હવે મહારાષ્ટ્રમાં 30 નવેમ્બર સુધી કડક લોકડાઉન રહેશે. નવેમ્બરમાં મહિનામાં જ દિવાળીનો તહેવાર આવી રહ્યો છે. આ દરમિયાન લોકો બિનજરૂરી ઘરની બહાર નીકળે નહીં અને સંક્રમણ ફેલાય નહીં તેની તકેદારીના ભાગરૂપે મહારાષ્ટ્રની સરકારે રાજ્યમાં લોકડાઉન લંબાવવાનો યોગ્ય નિર્ણય લીધો છે. રાજ્ય સરકારે ફરી એક વાર ગાઈડલાઈન જાહેર કરી રાજ્યમાં 30 નવેમ્બર સુધી લોકડાઉન વધારી દીધુ છે.

 અત્રે ઉલ્લેખનિય છે કે, મહારાષ્ટ્ર રાજ્ય હજી પણ કોરોનાના એક્ટીવ કેસની સંખ્યા 130,286 સાથે ટોપ પર છે. મહારાષ્ટ્રમાં કોરોના વાયરસના કુલ કેસની સંખ્યા 16,60,766 થઈ ગયા છે. તો રાજ્યમાં કોરોના સંક્રમણથી મૃતકોની સંખ્યા 43,554 થઈ ગઈ છે.

મહારાષ્ટ્રનો દેશમાં કોરોના મહામારાથી સૌથી વધારે પ્રભાવિત રાજ્યોમાં સમાવેશ થાય છે. એક બાજુ હાલ દેશમાં કોરોના નવા કેસોની સંખ્યા ઘટી છે ત્યારે બીજી બાજુ સંક્રમણના જોખમને લઈને

 મહારાષ્ટ્રમાં 5 ઓક્ટોબરથી સમગ્ર રાજ્યમાં બાર અને રેસ્ટોરન્ટ ખોલવાની મંજૂરી આપી દીધી છે. જ્યાં 50 ટકા ક્ષમતા સાથે બાર અને રેસ્ટોરન્ટ શરૂ કરવામાં આવ્યા હતા શાળા અને કોલેજોને તથા કોચિંગ સેન્ટરોને હાલ પુરતા બંધ રાખવાની જ ફરજ પાડી છે. રાજ્ય સરકારે મંગળવારે જ પશ્ચિમ રેલ્વે અને સેન્ટ્રલ રેલ્વેને પત્ર લખીને લોકલ ટ્રેન ફરીથી શરૂ કરવાની ભલામણ કરી છે.

(12:00 am IST)
  • મુંબઈના ભીંડી બજાર વિસ્તારમાં કેટલાક દેશવિરોધી તત્વોએ ફ્રાન્સના રાષ્ટ્રપતિ મેક્રોની તસવીરો રોડ ઉપર લગાડી છે. સેંકડો લોકો તેના ઉપરથી પસાર થઇ રહ્યા છે. આવા તત્વોની તાત્કાલિક ધરપકડ કરવા સોશિયલ મીડિયા ઉપર માગણી થઈ રહી છે. જાણીતા પત્રકાર શીલા ભટ્ટે ટ્વિટર હેન્ડલ ઉપર આ વીડિયો પણ મૂકી છે. access_time 2:38 pm IST

  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST