Gujarati News

રાજકોટ તા. ૩૦ :.. રાજકોટ સહિત સૌરાષ્ટ્ર-કચ્છમાં સર્વત્ર મેઘમહેરથી લોકોમાં ચિંતા પ્રસરી ગઇ છે. ત્યારે જામકંડોરણા અને રાપરમાં સાડા સાત ઇંચ વરસાદ વરસ્યો  હતો. જયારે લોધીકામાં ૬ ઇંચ વરસાદ વરસતા સર્વત્ર પાણી...પાણી  થઇ ગયું છે.

છેલ્લા ઘણા દિવસોથી વરસતા વરસાદના કારણે નદી, નાળા, ડેમ છલોછલ ભરાઇ ગયા છે.

ગઇકાલે ધોધમાર વરસાદથી રવિવાર હોવા છતાં લોકોને ઘરમાં બેસી રહેવુ પડયુ હતું. રવિવારે આખો દિવસ કયાંક ભારે તો કયાંક હળવો વરસાદ વરસ્યો છે.

જામકંડોરણા

 જામકંડોરણા :.. જામકંડોરણામાં રવિવારની વહેલી સવારથી અવિરત વરસાદ ચાલુ થતાં આજે સવાર સુધીમાં ૧૮પ મી. મી. (સાડા સાત ઇંચ) વરસાદ પડયો હતો આ સાથે મોસમનો કુલ વરસાદ ૯પ૭ મી. મી. થયેલ છે. આ વરસાદથી ખેતરોમાં રસ્તાઓ પર સર્વત્ર પાણી જોવા મળી રહ્યા હતા વધુ વરસાદ વરસવાથી મોલાતોને નુકશાનીની ભીતિ સેવાય રહી છે.

ઢાંક

ઢાંક :.. ઉપલેટા તાલુકાના ઢાંક ગામે શનીવારે રાતે ધમાકેદાર વરસાદ પડયો હતો આખી રાત દરમિયાન ચાર ઇંચ જેટલો વરસાદ પડયો હતો. અને બીજે દિવસે કાલે સવારથી જ અવિરત વર્ષાદ વરસવાનું ચાલુ રહ્યું હતું. આમ આખો દિવસ વરસાદને લીધે વાતાવરણમાં ઠંડીનું મોજુ ફરી વળ્યુ હતું. અને ખેડૂતોમાં ખુશીની લહેર છવાઇ ગઇ હતી.

જુનાગઢ

જુનાગઢ : જુનાગઢ  ગઇકાલ સવરે ૬ વાગ્યાથી આજ સવાર સુધીમાં જૂનાગઢ જીલ્લામાં ર થી ૪ ઇંચ વરસાદ નોંધાયો છે.

આમ જૂનાગઢ જીલ્લામાં નવેનવ તાલુકાઓમાં સરેરાશ બે થી ચાર ઇંચ વરસાદ નોંધાયો છે અને આ લખાય છે ત્યારે મેઘાવી માહોલ સાથે વરસાદ ધીમી ધારે વરસી રહ્યો છે.

છેલ્લા ર૪ કલાકમાં પડેલા વરસાદના આંકડા નીચે મુજબ છે.