Gujarati News

શ્રીનગરઃ કશ્મીરમાં આડા દિવસોમાં મહિલાઓ માટે કટ્ટરપંથીઓના ફતવા અને સંબંધીઓનો અસહયોગથી આગળ વધીને હિંમત ન હારી અને યુવતીએ હવામાં ઉડવાનું સપનું પોતાની જાતે સાકાર કરી લીધું. કશ્મીરની મહિલાઓ માટે સફળતાનો નવો અધ્યાય લખીને 30 વર્ષની ઈરમ હબીબ શ્રીનગરની સૌથી નાની ઉંમરની પહેલી કોમર્શિયલ પાઈલોટ બની છે. આગામી મહિનાથી તે ઈન્ડીગોના વિમાન ઉડાવતી જોવા મળશે.

કાશ્મીર ડાઉનટાઉનમાં રહેનારી ઈરમ હબીબ માટે કોમર્શિયલ પાઈલોટ બનાવા સુધીની સફર સરળ નહોતી. બિઝનેસમેન પરિવારની દીકરી ઈરમએ કહ્યું, હું જ્યારે પણ આકાશમાં વિમાન ઉડતા જોઉં છું તો મને ખૂબ સારું લાગે છે. 12મું ધોરણ પાસ કર્યું તો મેં પોતાના માતા-પિતાને કહ્યું કે હું પાઈલોટ બનવા ઈચ્છું છું. બધા મારી વાત સાંભળીને હેરાન રહી હયા. કોઈ પણ મારા આ નિર્ણયથી રાજી નહોતું.

પિતાએ કહ્યું કે વિમાન ઉડાવવું છોકરીઓનું કામ નથી. સંબંધીઓ કહેતા કે કાશ્મીરમાં કોઈ છોકરી પાઈલોટ નથી બની શકતી. બધા અહીંની સ્થિતિને લઈને પોતપોતાની પૂર્વધારણા બનાવેલી છે. બધા ઈચ્છે છે કે હું મારો અભ્યાસ ચાલુ રાખું અને કોઈ સરકારી નોકરી કરું. ઘરના સદસ્યોના કહેવા પર મેં ફોરેસ્ટ્રી કોર્સ માટે દહેરાદૂનમાં એડમિશન લીધું.

ફોરેસ્ટ્રીમાં ગ્રેજ્યુએશન કર્યા બાદ હું પાછી શ્રીનગર આવી ગઈ. આ બાદ મેં શેરે કાશ્મીર યુનિ.માં પોસ્ટ ગ્રેજ્યુએશન કર્યું. પરંતુ હંમેશા મારું મન આ બધું છોડીને મારું સપનું પુરું કરવાનું હતું. મેં પીએચડીમાં પણ એડમિશન લીધું અને લગભગ દોઢ વર્ષ સુધી રિસર્ચ કરી, પરંતુ મારું મન નહોતું. મેં ફરી એકદિવસ પિતાને વાત કરી અને તેમને સમજાવ્યા અને તેઓ માની ગયા.

લગભગ 6 વર્ષ બાદ મને મારું સપનું પુરું કરવાની પરવાનગી મળી. આ બાદ આખો પરિવાર મારી સાથે થયો. હું અમેરિકા ગઈ અને વર્ષ 2016માં મે એક સંસ્થામાં પાઈલોટની ટ્રેનિંગ કરી અને ત્યાંથી કોમર્શિયલ પાઈલટનું લાઈસેન્સ લીધું. ટ્રેનિંગ દરમિયાન ઘણા લોકો માનવા તૈયાર નહોતા કે હું કાશ્મીરની છોકરી છું અનું ટ્રેનિંગ લઈ રહી છું.

ઈરમ હબીબ કહે છે કે મારી પાસે અમેરિકામાં 260 કલાક ફ્લાઈટનો અનુભવ છે. તેના આધાર પર મને અમેરિકા અને કેનેડામાં નોકરી મળી શકતી હતી, પરંતુ હું ભારતમાં કામ કરવા ઈચ્છતી હતી. આથી હું પાછી આવી ગઈ. ઈરમએ બહરીન અને દુબઈમાં એરબસ 320ની પણ ટ્રેનિંગ લીધી છે. હાલમાં તેને ભારતમાં બે કંપનીઓ ઈંડિગો અને ગો એરમાં જોબની ઓફર મળી છે. હવે તે આગામી મહિનાથી ઈન્ડીગો સાથે જોડાઈ જશે. ઈરમના સંબંધીઓને પણ હજુ સુધી વિશ્વાસ નથી થઈ રહ્યો કે તે પાઈલોટ બની ચૂકી છે.