Gujarati News

ચેન્નઇઃ શહેરમાં AMMKનાં અધ્યક્ષ TTV દિનાકરણની કાર પર પટ્રોલ બોમ્બ ફેંકવામાં આવ્યો હતો જેમાં બે લોકોને ગંભીર ઇજા પહોંચી છે. કેટલાંક અજાણ્યા લોકોએ દિનાકરણની કાર પર અચાનક જ હુમલો કર્યો હતો જો કે આ સમયે દિનાકરણ કારમાં સવાર ન હતાં  કારનાં ડ્રાઇવર અને એક ફોટોગ્રાફરને ઇજા થઇ છે.

  અત્રે ઉલ્લેખનીય છે કે TTV દિનાકરણે થોડાંક મહિનાઓ પહેલાં જ AIADMKથી અલગ થઇને એક નવો પક્ષ સ્થાપ્યો હતો તેમનાં પર થયેલાં હુમલા પાછળ રાજકીય કારણ પણ જવાબદાર હોઇ શકે છે. જો કે પોલીસ આ મામલે વધુ તપાસમાં લાગી ગઇ છે.

  દિનાકરણનાં ઘરની સામે જ ઉભી રહેલી કાર પર કેટલાંક અજ્ઞાત લોકોએ પેટ્રોલ બોમ્બથી હુમલો કર્યો હતો. એવું કહેવાય છે કે આ હુમલા દરમ્યાન દિનાકરણ ઘરમાં જ હાજર હતાં. આર.કે નગરનાં ધારાસભ્ય થયેલાં દિનાકરણે બાદમાં અમ્મ મક્કલ મુન્નેટ્ર કઝગમ પાર્ટીની સ્થાપના કરી હતી.