Gujarati News

Gujarati News

News of Tuesday, 30th June 2020

ટિકટોક સહિતની એપ્સ ઉપર પ્રતિબંધ મુદ્દે ચીન ભારે નારાજ

સુરક્ષાના કારણોથી ચીનની એપ પર પ્રતિબંધ મુકાયો : પ્રાઈવસીના બધા નિયમો પાળતા હોવાનો ટિકટોકનો દાવો

નવી દિલ્હી, તા. ૩૦ભારત સરકારે ટિકટોક સહિત ૫૯ ચાઈનીઝ એપ પર પ્રતિબંધ લગાવ્યાના બીજા દિવસે ચીને અણગમો વ્યક્ત કર્યો છે. ચીનના વિદેશ મંત્રાલયે કહ્યું કે ગંભીર ચિંતાની વાત છે. અમે ઘટનાક્રમ પર નજર રાખી રહ્યા છે. પહેલાં ટિક ટોક ઈન્ડિયાએ કહ્યું કે અમે ભારતીય કાયદાનું પાલન કરી રહ્યાં છે. સમાચાર સંસ્થાઓના જણાવ્યા મુજબ એપલ એપ સ્ટોર અને ગૂગલ પ્લે સ્ટોર પરથી ટિક ટોક એપને હટાવવામાં આવી છે. બીજી બાજુ ટિક ટોક ઈન્ડિયાના સીઈઓ નિખિલ ગાંધીએ કહ્યું કે, અમને અમારો પક્ષ રજૂ કરવા માટે બોલાવ્યા હતા.

          અમે ભારતીય કાયદા અંતર્ગત ડેટા પ્રાઈવેસી અને સુરક્ષાના નિયમોનું પાલન કરી રહ્યા છીએ. અમે ચીન સહિત કોઈ પણ વિદેશી સરકાર સાથે ભારતીય યુઝર્સના ડેટા શેર નથી કર્યા. જો ભવિષ્યમાં પણ અમને વિશે કહેવામાં આવશે તો અમે એવું નહીં કરીએ. અમે યુઝર્સની પ્રાઈવસી સમજીએ છીએ. નિખિલ ગાંધીએ જણાવ્યું કે, સરકારે અમને જવાબ અને અમારો પક્ષ રજૂ કરવા માટે અમને બોલાવ્યા છે. ટિકટોક ૧૪ ભાષાઓમાં છે. તેમાં લાખો આર્ટિસ્ટ, શિક્ષકો અને પરફોર્મર્સ જોડાયેલા છે. ઘણાં લોકો તેની સાથે જોડાયેલા છે. ટિકટોકના કારણે ઘણાં લોકોએ પહેલીવાર ઈન્ટરનેટનો ઉપયોગ શરૂ કર્યો છે.

આઇટી એક્ટના રૂલ ૬૯એ અંતર્ગત માહિતી અને પ્રસારણ મંત્રાલયે અલગ અલગ ખતરાને ધ્યાનમાં રાખીને ૫૯ એપ પર પ્રતિબંધ લગાવ્યો છે. નિર્ણય અંગે શેરચેટના પબ્લિક પોલિસી ડિરેક્ટર બેરગેસ માલુ જણાવ્યું કે, પ્રાઈવસી, સાયબર સિક્યુરિટી અને રાષ્ટ્રીય સુરક્ષા માટે જોખમો ધરાવતા પ્લેટફોર્મ સામે સરકારનું આવકાર્ય પગલું છે. અમે અપેક્ષા રાખીએ છીએ કે સરકાર ભારતીય સ્ટાર્ટઅપ ઇકોસિસ્ટમ માટે તેમનું સમર્થન ચાલુ રાખશે.

(10:32 pm IST)
  • દેશભરમાં રાત્રે 10 થી સવારના 5 વાગ્યા સુધી કર્ફ્યુ : 31મી જુલાઈ સુધી શાળા-કોલેજ બંધ રહેશે : સિનેમા હોલ, જીમ , સ્વિમિંગ પુલ અંગે રાજ્ય સરકાર કરશે નિર્ણંય : કન્ટેઇમેન્ટ ઝોનમાં કોઈપણ છૂટછાટ નહીં , માત્ર જીવન જરૂરી ચીજ વસ્તુ મળી શકશે : દિલ્હીમાં મેટ્રો ટ્રેન સેવા શરુ કરાશે : અનલોક-2ની ગાઇડલાઇન જાહેર : ઓડિટોરિયમ,સામાજિક ધાર્મિક આયોજનો અંગે પણ રાજ્ય સરકાર સ્થિતિને અનુલક્ષીને નિર્ણંય કરશે access_time 10:13 pm IST

  • પ્રાંતિજ માં વરસાદ વહેલી સવારે કાળા ડિબાંગ વાદળોથી અંધારપટ: ધીમી ધારે વરસાદથી ભારે બફારાથી લોકોને રાહત : વરસાદથી ખેડૂતોમાં ખુશીનો માહોલ access_time 11:03 am IST

  • વસવાટ હોય તેવી સુપર-પૃથ્વીની શોધ : ૧૧ અબજ પ્રકાશ વર્ષ દુર આવેલ ''સુપર-પૃથ્વીઓ''ની વૈજ્ઞાનિકોએ શોધ કરી છે, જયાં વસવાટ હોવાની શકયતા access_time 3:53 pm IST