Gujarati News

નવી દિલ્હીઃ ભારત સરકારે ગઇ કાલથી TikTok સહિત 59 ચાઇનીઝ એપ પર પ્રતિબંધ લગાવી દીધો છે. ત્યારે એવામાં આજે સવારે જ આ એપ્લિકેશનને પ્લે સ્ટોર અને એપ સ્ટોર પરથી હટાવી દેવામાં આવી છે. જો કે હવે TikTok એ કામ કરવાનું બંધ કરી દીધું છે.

નોંધનીય છે કે આ પહેલાં ભારતમાં જ્યારે TikTok નો પ્રતિબંધ કરવામાં આવ્યો હતો તો યુઝર્સનાં સ્માર્ટફોનમાં પહેલેથી ઇન્સ્ટોલ એપ ડાઉનલોડ કરેલી હતી. પરંતુ આ વખતે સરકારે ટેલીકોમ કંપનીઓ અને ઇન્ટરનેટ સર્વિસ પ્રોવાઇડર્સને આધારે તેને બ્લોક કરી દીધેલ છે.

હવે TikTok ઓપન કરતાની સાથે જ એક નોટિસ દેખાઇ રહી છે. મોબાઇલ ફોનમાં ટિકટોકે હવે કામ કરવાનું બંધ કરી દીધું છે અને નવા વીડિયો પણ લોડ નથી થઇ રહ્યાં. હોમ પેજ જ બ્લેન્ક થઇ ચૂક્યું છે. જો કે એન્ડ્રોઇડ સ્માર્ટફોનમાં હજી પણ તે કામ કરી રહી છે.

TikTok ઓપન કરતા જ દેખાતી નોટિસમાં લખ્યું છે કે, ‘અમે ભારત સરકાર દ્વારા 59 એપ્સને બ્લોક કરવા પર તેનું પાલન કરી રહ્યાં છીએ. તમામ યુઝર્સની પ્રાઇવેસી અને સિક્યોરિટી સુનિશ્ચિત કરવી એ અમારી પ્રથમ પ્રાથમિકતા છે.”