Gujarati News

Gujarati News

News of Tuesday, 30th June 2020

પાકિસ્તાનના કરાચીમાં થયેલા હૂમલાની જવાબદારી બ્લુચિસ્તાન લીબરેશન આર્મીઍ સ્વીકારી

નવી દિલ્હી: પાકિસ્તાનમાં કરાંચી સ્ટોક એક્સચેંજ પર સોમવારે થયેલા આતંકવાદી હુમલાની જવાબદારી બલૂચિસ્તાન લિબરેશન આર્મીએ લીધી છે. મળતી માહિતી અનુસાર હુમલા વખતે બંદૂકધારી કાળા રંગની કારમાં આવ્યા હતા. તેમાંથી બે બંદૂકધારી પાકિંગ સુધી પહોંચવામાં સફળ રહ્યા હતા.

ત્યારબાદ ગોળીબારી શરૂ થઇ ગઇ અને અધિકારી-વેપારીએ અંદર દોડીને પોતાનો જીવ બચાવ્યો હતો. એક કલાક સુધી ચાલેલી ગોળીબારીમાં તમામ ચાર બંદૂધકધારીને ઠાર માર્યા હતા. ત્યારબાદ કરાંચી સ્ટોક એક્સચેંજના એક નિર્દેશકએ મીડિયાની સામે નિવેદન આપ્યું હતું. 

રોકાણકારનું કહેવું છે કે 'મુખ્ય ગેટ પર બે આતંકવાદી ઠાર માર્યા હતા, જ્યારે ત્રીજો આતંકવાદી સેન્ટરના ગેટ પર અને ચોથો આતંકવાદી સ્ટોક એક્સચેંજના બિલ્ડીંગના મુખ્ય ગેટ પર ઠાર માર્યો હતો. હુમલાના થોડા કલાકો બાદ બલૂચિસ્તાન લિબરેશન આર્મી  (B.L.A.) એ હુમલાની જવાબદારી સ્વિકારી લીધી હતી. આ એક એવું ગ્રુપ છે જે ઘણા સમયથી સ્વતંત્ર બલૂચિસ્તાનની માંગ કરી રહ્યું છે.

પાકિસ્તાનમાં ચીની રોકાણને બનાવી રહ્યા છે ટાર્ગેટ

ગત થોડા સમયથી આ ગ્રુપ પાકિસ્તાનમાં ચીની રોકાણને ટાર્ગેટ કરી રહ્યું છે. 2018માં તેણે કથિત રીતે કરાંચીમાં ચીની વાણિજ્ય દૂતાવાસને ઉડાવવાનો પ્રયત્ન કર્યો હતો. ત્યારબાદ ગત વર્ષે ગ્રુપે ગ્વાદરમાં એક 5 સ્ટાર હોટલ પર હુમલો કર્યો હતો, જેનું ફાયનાન્સ ચીન દ્વારા કરવામાં આવ્યું હતું. પાકિસ્તાન સ્ટોક એક્સચેંજ પર કરવામાં આવેલા હુમલામાં પણ ચીની રોકાણને ટાર્ગેટ કરવામાં આવ્યું હતું. 

ચીનનું પાકિસ્તાની શેર બજારમાં મોટું રોકાણ

તમને જણાવી દદઇએ કે એક ચીની કંસોર્ટિયમએ પીએસએક્સમાં 40 ટકા ભાગીદારી કરી હતી. ગત વર્ષે ચીની રોકાણકાર પાકિસ્તાની શેર બજારમાં બે બિલિયન ડોલર સુધી રોકાણ કરવા અંગે વિચાર કરી રહ્યા હતા.

બીએલએ ચીનની બેલ્ટ એન્ડ રોડ પહેલનો કડક વિરોધ કરે છે. તેમાં પણ ખાસકરીને તેને બલૂચિસ્તાનમાં રોકાણથી તેને સખત વાંધો છે. તેના લીધે જે દિવસથી પ્રોજેક્ટની જાહેરાત કરવામાં આવી હતી, તે દિવસથી બલૂચિસ્તાને દુનિયાનું ધ્યાન આકર્ષિત કર્યું છે.

અત્રે ઉલ્લેખનીય છે કે એક પ્રાંતના રૂપમાં બલૂચિસ્તાન લાંબા સમયથી સંઘર્ષ કરી રહ્યું છે. પ્રાકૃતિક સંસાધનોમાં સૌથી અમીર હોવા છતાં આ પ્રાંતમાં સૌથી ઓછું ડેવલોપમેન્ટ થયું છે. બલૂચિસ્તાનની સંપત્તિનો પાકિસ્તાન ભરપૂર ઉપયોગ કર્યો છે. અહીં પાક સેના દમનનું ક્રૂર અભિયાન ચલાવી રહી છે. 

(5:28 pm IST)
  • કલેકટર કચેરીના બે મામલતદાર સહિત ૫ કર્મચારી આજે રિટાયર્ડ :કલેકટર કચેરીના બે મામલતદાર સહિત એકી સાથે આજે ૫ કર્મચારી સાંજે ૬.૩૦ કલાકે રિટાયર્ડ થશેઃ તમામની 'ફેરવેલ પાર્ટી' હવે યોજાશેઃ નિવૃત થનારાઓમાં જામકંડોરણાના મામલતદાર પી.એસ. ખરાડી, કોટડાસાંગાણીના મામલતદાર બી.એન. જાદવ, અછતના નાયબ મામલતદાર કે.સી. ટાંક, કલેકટરના કમાન્ડો કકવાજી બૂજ અને સીટી પ્રાંત-૧ના ડ્રાઈવર હનુભા ગોહીલનો સમાવેશ access_time 3:03 pm IST

  • સુરતના મહિધરપુરા હીરાબજાર ક્લસ્ટર તરીકે જાહેર:પાટીદાર ભવનથી લિંબુશેરી, પીપળા શેરી, નગીનદાસની શેરી, હવાડા શેરી, થોભા શેરી, જદાખાડી રોડ, હાટ ફળિયું, ભોજાભાઈની શેરી અને પાટીદાર ભવન રોડ સુધીના ૧૨૬૨ મકાનોને ક્લસ્ટર તરીકે જાહેર કરવામાં આવ્યા access_time 9:38 pm IST

  • વસવાટ હોય તેવી સુપર-પૃથ્વીની શોધ : ૧૧ અબજ પ્રકાશ વર્ષ દુર આવેલ ''સુપર-પૃથ્વીઓ''ની વૈજ્ઞાનિકોએ શોધ કરી છે, જયાં વસવાટ હોવાની શકયતા access_time 3:53 pm IST