Gujarati News

Gujarati News

News of Tuesday, 30th June 2020

બકરીને બચાવવા ભાઈ સાહેબ બોરવેલમાં ઘુસ્યા અને મિત્રોએ પગ પકડીને બન્નેને બહાર કાઢયાં

નવી દિલ્હી,તા.૩૦ : બોરવેલનું કાણું આમેય બહુ નાનું હોય છે અને એમાં જો કોઈ બાળક  કે બકરી પડી જાય તો તેને કાઢવાનું કામ જબરી જહેમત માગી લે છે. જોકે તાજેતરમાં એક માણસે પોતાની બકરીને કાઢવા માટે જે દેશી -જુગાડ વાપર્યો અને એમાં તેણે જાતે જીવનું જોખમ વહોરી લીધું હતું એનો વિડિયો વાઇરલ થયો છે. વિડિયોમાં સફેદ શર્ટ પહેરીને ઊભેલો એક માણસ ખાડાની અંદર જોઈને તેના મિત્રો સાથે કંઈક પ્લાનિંગ કરી રહ્યો છે. કદાચ તે બકરીને કાઢવાના પ્રયાસનું પ્લાનિંગ કરતો હોય એવું જણાય છે. થોડી જ ક્ષણમાં તે માથાભેર એ બોરવેલના ખાડામાં ઘૂસવાની કોશિશ કરે છે અને બીજા ત્રણ મિત્રો તેને પગથી ઝાલીને બોરવેલની અંદર ઉતારે છે. છેક અંદર સુધી ઊતર્યા પછી તેના મિત્રો અંદર ગયેલા માણસને પગથી બહાર ખેંચી લે છે. જયારે બહાર આવે છે ત્યારે પેલા યુવક સાથે તે કાનથી પકડીને બકરીને પણ ઉપર ખેંચી લાવ્યો હોય છે. આ સ્ટન્ટમાં બકરીનો જીવ તો બચી જાય છે, પણ જો એ સ્ટન્ટમાં સહેજ પણ ગરબડ થાત તો તેને બચાવવા જનાર યુવકના જીવ પર પણ જબરૂ જોખમ હતું એ જોઈ શકાય છે. આ વિડિયો ટિવટર પર શૈર કરીને કેપ્શનમાં લખ્યું છે, 'બકરીને દેશી સ્ટાઈલમાં રેસ્કયુ - કરનાર પૂરી ટીમને અભિનંદન.'

(3:16 pm IST)
  • " હર ઘર જલ " : ઉત્તર પ્રદેશના બુંદેલખંડમાં પાણીની તંગી હવે ભૂતકાળ બની જશે : મુખ્યમંત્રી યોગીએ દરેક ઘરમાં નળ દ્વારા પીવાનું પાણી મળી રહે તે માટે ' જલ જીવન યોજનાનો શુભારંભ કર્યો : 2185 કરોડ રૂપિયાના ખર્ચે પાઇપ લાઈન નાખવાની કામગીરી શરૂ કરાવી access_time 8:24 pm IST

  • બોટાદના બરવાળા ગામમાં ગાજવીજ સાથે ધોધમાર વરસાદ: ભીમનાથ અને પોલારપુર ચોકડી વિસ્તારમાં વરસાદ: નભોઈ અને પીપરીયા સહિતના ગ્રામ્ય પંથકમાં વરસાદ: વરસાદ કારણે વાતાવરણમાં ઠંડક પ્રસરી: ખેડૂતોમાં ખુશીની લહેર access_time 9:37 pm IST

  • ખાબોચીયાના પાણીમાં તરસ છીપાવતા ઉંટ : રાજસ્થાનના રણમાં તસ્વીરકારે સુંદર તસ્વીર કલીક કરી છે. રાજસ્થાનમાં પણ ચોમાસુ બેસી ગયું છે. પરંતુ વરસાદ હજુ જામ્યો નથી. ત્યારે રાજસ્થાનના રણ વિસ્તારમાં ઉંટોની નજર ખાબોચીયામાં ભરેલા પાણી ઉપર પડતા ઉંટો પોતાની તરસ છીપાવવા પહોંચી ગયા હતા. access_time 3:04 pm IST