Gujarati News

Gujarati News

News of Tuesday, 30th June 2020

હવે યુનોમાં ચીન એકલુ - અટુલુ પડી જશે

અમેરિકા, ફ્રાન્સ, રશિયા સહિતના દેશો ભારતની પડખે

નવી દિલ્હી તા. ૩૦ : ભારત સાથે સીમા પર તણાવ ઉભો કરવાને કારણે ચીન સંયુકત રાષ્ટ્ર સુરક્ષા પરિષદમાં પણ અલગ પડી જવાનું છે. સંયુકત રાષ્ટ્ર સુરક્ષા પરિષદમાં યાં ચીન વીટો પાવર સાથે ચાર અન્ય દેશો સાથે સ્થાયી સભ્ય છે ત્યાં પણ સમર્થન ભારતના પક્ષમાં વધુ છે. અમેરિકા, રશિયા, ફ્રાન્સ અને બ્રિટન સીમા મામલે ભારતથી વધુ નજીક છે.

ફ્રાન્સનું સમર્થન ભારત માટે લગભગ એ પ્રકારનું છે જેવું કયારેક રશિયાનું ભારત માટે હતું. રશિયાની મીત્રતા ચીન સાથે પણ છે પરંતુ મહત્ત્વના પ્રસંગે ભારતનો સાથ આપવાને કારણે બન્ને દેશોનો પરંપરાગત ભરોસો યથાવત છે. રશિયાએ હાલના વિવાદમાં પણ ભારતના વલણને સમજ્યું છે. અમેરિકા પણ ભારતની પડખે જ છે.

સૂત્રોએ કહ્યું કે આ તમામ દેશો ચીનના ભારત વિરોધી એજન્ડાને વારંવાર ધ્વસ્ત કરી રહ્યા છે. સંયુકત રાષ્ટ્રમાં અસ્થાયી સભ્યપદ હાંસલ કર્યા બાદ ભારત અન્ય સ્થાયી અને અસ્થાયી સભ્ય દેશો સાથે આંતરિક સમજ વધારી રહ્યું છે જેથી સંયુકત રાષ્ટ્રમાં તેની ભૂમિકા પ્રભાવિત થઈ શકે.

(3:14 pm IST)
  • એક નવો ચીની ખતરો : ચીનના વૈજ્ઞાનિકોએ ફ્લૂના જેવો જ એક નવો વાયરસ શોધ્યો છે જે કોરોના વાયરસની જેમ મહામારીનું રૂપ ધારણ કરી શકે છે. આ વાયરસ G4 EA H1N1ના નામથી ઓળખાય છે. આ ફ્લૂનો વાયરસ ભૂંડમાંથી મળ્યો છે. વૈજ્ઞાનિકોનું માનવું છે કે તે માણસોને પણ સંક્રમિત કરી શકે છે. શોધકર્તાઓને ડર છે કે આ નવો વાયરસ અને વધારે મ્યૂટેટ થઈને સરળતાથી એક વ્યક્તિથી અન્ય વ્યક્તિમાં ફેલાઈ શકે છે. access_time 9:03 am IST

  • પ્રાંતિજમાં કોરોનના વધુ ચાર કેસ પોઝિટિવ નોંધાયા:હોરવાર ૭૮ વર્ષીય વૃદ્ધા, દેસાઈની પોળ ૪૫ વર્ષીય મહિલા,શેક મોહલ્લામાં ૭૧ વર્ષીય વૃદ્ધા અને પ્રાંતિજ તાલુકાના સોનાસણ ૨૪ વર્ષીય પુરુષને કોરોના વળગ્યો access_time 9:54 pm IST

  • રાજસ્થાનને લાગુ વિસ્તારમાં ચીન દ્વારા યુધ્ધાભ્યાસની તૈયારી ભારત-પાકિસ્તાન સરહદે ચીન એરફોર્સ સક્રિય : રાજસ્થાન સાથેની પાકિસ્તાની સરહદે ચીનની પીપલ્સ લીબરેશન આર્મી એરફોર્સ તેની ગતિવિધી વધારી દીધી છે. ભારત વિરૂધ્ધ સાજીસનો પર્દાફાશઃ પાકિસ્તાન કબ્જાગ્રસ્ત કાશ્મીરમાં ચીની વિમાનો દેખાયા પછી રાજસ્થાન સાથેની પાકિસ્તાની સરહદ ઉપર પણ સક્રિયતા વધી છે. આર્થીક રોકાણની આડમાં ચીન હવે પાકિસ્તાનમાં યુધ્ધાભ્યાસની તૈયારીમાં હોવાનું બહાર આવ્યું છે. access_time 3:51 pm IST