Gujarati News

Gujarati News

News of Tuesday, 30th June 2020

સત્ય સ્વીકારો , કોરોના વાઇરસ બે વર્ષ સુધી નહીં જાયઃ ડો. ફહિમ યુનુસ

અમેરિકાની મેરિલેન્ડ યુનિવર્સિટીના ચેપી રોગ વિભાગના વડાની ચેતવણી

વોશિંગ્ટન,તા.૩૦: અમેરિકાની મેરીલેન્ડ યુનિવર્સિટીની અપર ચેસાપીક હેલ્થ હોસ્પિટલના ચેપી રોગ વિભાગના વડા અને કોરોના દરદીઓની સારવાર કરનારા ડો. ફહિમ યુનુસે રોગચાળા અંગે ચેતવણી આપી છે. ફહિમે ટ્વીટ કરીને કોરોના વાઇરસ વિશે ઘણી માહિતી શૈર કરી છે. ચેપી-સંક્રમિત રોગના નિષ્ણાત ફહિમ યુનુસે ટ્વિટર પર લખ્યું છે, પ્રિય લોકો, સત્યનો સ્વીકાર કરો, ખોટી અપેક્ષાઓ કરતાં તે વધારે સારું છે. હું કોવિડ-૧૯ વિશે જોડાયેલી સત્યતાને શેર કરવાનો પ્રયત્ન કરું છું જેથી આપણે બધા એક યોજના બનાવી શકીએ અને એકબીજાને મદદ કરી શકીએ. ફહિમ યુનુસે કહ્યું કે તેનો હેતુ ફકત માનવજાતને મદદ કરવાનો છે અને તે પોતે લાઈક, રીટ્વીટ, વગેરેમાં કોઈ ખાસ રસ દાખવતા નથી. તેમણે લખ્યું છે કે કોવિડ સમાપ્ત થયા પછી તમે મને અહીં (ટ્વિટર પર) સક્રિય જોશો નહીં. ડોકટર ફહિમ યુનુસે આગામી ટ્વીટમાં લખ્યું કે કોરોના મહામારી ૨ વર્ષથી વધુ ચાલી શકે છે, છ મહિના પહેલાં જ પસાર થઈ ગયા છે. કોરોનાની રસીને હજી એક વર્ષે બાકી છે. તે રસી વિતરણ કરવામાં એક વર્ષનો સમય લેશે. હર્ડ ઇમ્યુનિટી - રોગપ્રતિકારક શકિત ઘણી દૂર છે. રોગચાળો ઝડપી પ્રસરી રહ્યો છે. તેની રફતાર વધી રહી છે. સૌથી વધારે સ્થિતિમાં ર વર્ષ જેટલો સમય લાગશે. આ હિસાબે યોજનાઓ બનાવવી જોઈએ.

(11:50 am IST)
  • મોડી રાત્રે આંધ્ર પ્રદેશ - વિશાખાપટ્ટનમના પરવડા વિસ્તારની દવા કંપની સાઈનાર લાઈફ સાયન્સિઝમાં ગેસ લીક થતા 2 લોકોના મોત : 4ને હોસ્પિટલમાં ખસેડાયા : વિસ્તારમાં અફરાતફરી મચી : હાલાત હાલ નિયંત્રમણમાં : મુખ્યમંત્રી વાય.એસ. જગનમોહન રેડ્ડીએ કંપનીમાં ગેસ લીકેજને લઈને તપાસના આદેશ આપ્યા access_time 9:03 am IST

  • રાજસ્થાનને લાગુ વિસ્તારમાં ચીન દ્વારા યુધ્ધાભ્યાસની તૈયારી ભારત-પાકિસ્તાન સરહદે ચીન એરફોર્સ સક્રિય : રાજસ્થાન સાથેની પાકિસ્તાની સરહદે ચીનની પીપલ્સ લીબરેશન આર્મી એરફોર્સ તેની ગતિવિધી વધારી દીધી છે. ભારત વિરૂધ્ધ સાજીસનો પર્દાફાશઃ પાકિસ્તાન કબ્જાગ્રસ્ત કાશ્મીરમાં ચીની વિમાનો દેખાયા પછી રાજસ્થાન સાથેની પાકિસ્તાની સરહદ ઉપર પણ સક્રિયતા વધી છે. આર્થીક રોકાણની આડમાં ચીન હવે પાકિસ્તાનમાં યુધ્ધાભ્યાસની તૈયારીમાં હોવાનું બહાર આવ્યું છે. access_time 3:51 pm IST

  • સુરતના મહિધરપુરા હીરાબજાર ક્લસ્ટર તરીકે જાહેર:પાટીદાર ભવનથી લિંબુશેરી, પીપળા શેરી, નગીનદાસની શેરી, હવાડા શેરી, થોભા શેરી, જદાખાડી રોડ, હાટ ફળિયું, ભોજાભાઈની શેરી અને પાટીદાર ભવન રોડ સુધીના ૧૨૬૨ મકાનોને ક્લસ્ટર તરીકે જાહેર કરવામાં આવ્યા access_time 9:38 pm IST