Gujarati News

Gujarati News

News of Tuesday, 30th June 2020

યુએસ પ્રમુખ ટ્રમ્પની ધરપકડ માટે ઈરાને વોરન્ટ ઈશ્યૂ કર્યું

કોરોના સામે લડી રહેલા પ્રમુખ પર વધુ એક આફત : ઈન્ટરપોલની મદદ માગી, આતંકવાદના આરોપ મૂક્યા, ટ્રમ્પની સાથે ડઝન અમેરિકી નેતા સામે પણ વોરંટ જારી

તહેરાન, તા. ૨૯ : ઈરાન અને અમેરિકા વચ્ચે તણાવ વધે તેવા એક ઘટનાક્રમમાં તહેરાને સોમવારે પ્રમુખ ડોનાલ્ડ ટ્રમ્પ સામે ધરપકડનું વોરંટ ઈશ્યૂ કર્યું છે. ટ્રમ્પની સાથે ડઝન અમેરિકી નેતાઓ સામે પણ આ પ્રકારનું વોરંટ કાઢવામાં આવ્યું છે. બગદાદમાં આ વર્ષે ડ્રોન હુમલામાં કેટલાક ઈરાની ઓફિસરોની હત્યાના કેસમાં આ વોરંટ કાઢવામાં આવ્યું છે. ઈરાને આ માટે ઈન્ટરપોલને મદદ કરવા માટે વિનંતી કરી છે. ઈરાનના આ ઓર્ડરથી ટ્રમ્પની ધરપકડ થઈ શકવાની નથી પણ નિષ્ણાતો માને છે કે આ ઘટનાક્રમને પગલે બંને દેશો વચ્ચે ફરી એકવાર તનાવપૂર્ણ સંબંધો શરૂ થઈ જશે. ટ્રમ્પે ઓબામા વહીવટીતંત્રએ ઈરાન સાથે પરમાણુ સંધિ કરી હતી તેને એકતરફી રીતે પાછી ખેંચી લીધી ત્યારથી બંને દેશ વચ્ચેના સંબંધો તંગ છે. એટલું જ નહીં, અમેરિકાએ બગદાદ એરપોર્ટની બહાર ઈરાનના રોયલ ગાર્ડના અધિકારીને ડ્રોન હુમલાથી ખતમ કરી નાંખ્યો તે પછી બંને દેશ વચ્ચે તણાવ વધ્યો છે.

              અમેરિકામાં નવેમ્બર મહિનામાં ચૂંટણી આવી રહી છે તેથી ટ્રમ્પ ઈરાન સાથેના ઘર્ષણનો ફાયદો લેવા માગે છે.તહેરાનના પ્રોસીક્યુટર અલી અલકાસિમીરે કહ્યું કે, ટ્રમ્પ અને અન્ય ૩૦ વયક્તિ સામે ઈરાનમાં આ વર્ષે ત્રીજી જાન્યુઆરીએ જે હુમલો કરવામાં આવ્યો હતો તેમાં આતંકવાદ સંબંધી ગુનો નોંધ્યો છે. જનરલ કાસીમ સુલૈમાનીની બગદાદમાં અમેરિકાએ કરેલી હત્યા આતંકવાદની ઘટના છે, તેમ ઈસના ન્યૂઝ એન્જસીએ જણાવ્યું હતું. પ્રોસીક્યુટરે કહ્યુંકે, તેઓ ટ્રમ્પ સિવાયના બાકીના ૩૦ જણને ઓળખતા નથી પણ જ્યાં સુધી આ લોકોને ન્યાયના કઠેડામાં લાવવામાં નહીં આવે ત્યાં સુધી ઈરાન જંપીને બેસશે નહીં. ફ્રાન્સ સ્થિત લિયોનમાં જેની હેડ ઓફિસ આવેલી છે તેને પણ ટ્રમ્પની ધરપકડ માટે મદદની વિનંતી કરી દેવામાં આવી છે. અલકાસિમીરે કહ્યું કે, ટ્રમ્પ અને અન્ય અમેરિકીઓ સામે રેડ નોટિસ કાઢવામાં આવી જે સૌથી ગંભીર બાબત દર્શાવે છે. ઈન્ટરપોલને આ અંગે વિનંતી મળી હશે તો તેના અધિકારીઓ મિટિંગ બોલાવશે અને તે અંગેની ચર્ચા કરીને આગળ વિચારણા કરશે. જોકે, ટ્રમ્પની ધરપકડ થાય તેવી કોઈ શક્યતા નથી, તેમ નિષ્ણાતો કહે છે.

(12:00 am IST)
  • કલેકટર કચેરીના બે મામલતદાર સહિત ૫ કર્મચારી આજે રિટાયર્ડ :કલેકટર કચેરીના બે મામલતદાર સહિત એકી સાથે આજે ૫ કર્મચારી સાંજે ૬.૩૦ કલાકે રિટાયર્ડ થશેઃ તમામની 'ફેરવેલ પાર્ટી' હવે યોજાશેઃ નિવૃત થનારાઓમાં જામકંડોરણાના મામલતદાર પી.એસ. ખરાડી, કોટડાસાંગાણીના મામલતદાર બી.એન. જાદવ, અછતના નાયબ મામલતદાર કે.સી. ટાંક, કલેકટરના કમાન્ડો કકવાજી બૂજ અને સીટી પ્રાંત-૧ના ડ્રાઈવર હનુભા ગોહીલનો સમાવેશ access_time 3:03 pm IST

  • બિહારમાં ફરી આકાશી આફત : વીજળી પડવાથી 11 લોકોના મોત:ગત સપ્તાહે જ 23 જિલ્લામાં 83 લોકોના થયા હતા મોત access_time 11:11 pm IST

  • બોટાદના બરવાળા ગામમાં ગાજવીજ સાથે ધોધમાર વરસાદ: ભીમનાથ અને પોલારપુર ચોકડી વિસ્તારમાં વરસાદ: નભોઈ અને પીપરીયા સહિતના ગ્રામ્ય પંથકમાં વરસાદ: વરસાદ કારણે વાતાવરણમાં ઠંડક પ્રસરી: ખેડૂતોમાં ખુશીની લહેર access_time 9:37 pm IST