Gujarati News

Gujarati News

News of Tuesday, 30th June 2020

ટિકટોક સહિત ૫૯ ચીની એપ પર પ્રતિબંધ લદાયો

ચીનનો વિરોધ કરવા સરકારનો મોટો નિર્ણય : ભારતીય સુરક્ષા એજન્સીઓએ ચાઈનીઝ એપની એક યાદી તૈયાર કરી કેન્દ્રને તેના પર પ્રતિબંધ માટે અપીલ કરી હતી

નવીદિલ્હી, તા. ૨૯ : ભારત અને ચીન વચ્ચે તણાવને લઇને કેન્દ્ર સરકારે મોટો નિર્ણય કર્યો છે. સરકારે ૫૯ ચાઈનીઝ એપ પર રોક લગાવવાનો નિર્ણય કર્યો છે. પ્રતિબંધિત કરાયેલી એપમાં ખુબ જ જાણિતી ટિકટોક એપનો પણ સમાવેશ થાય છે. આ ઉપરાંત યુઝી બ્રાઉઝર, કેમ સ્કેનર જેવી અનેક જાણિતી એપો સામેલ છે. આ અગાઉ ભારતીય સુરક્ષા એજન્સીઓએ ચાઇનીઝ એપની એક યાદી તૈયાર કરીને કેન્દ્ર સરકારને એ તમામને પ્રતિબંધિત કરવા તથા લોકોને આ એપ હટાવી દેવા અપીલ કરી હતી. આની પાછળ એવી દલીલ અપાઈ હતી કે, ચીન આના થકી ભારતીય ડેટા હેક કરી શકે છે. ભારત અને ચીનની વચ્ચે તણાવની સ્થિતિ છે ત્યારે બંને દેશની સેનાઓ સામ સામે ઉભી છે.

આ દરમિયાન મોટુ પગલું લઇને સ્પષ્ટ કરી દેવાયું છે કે, ભારત કોઇપણ સ્તરે ઝુકશે નહીં. કેન્દ્ર સરકારે ૫૯ એપ ઉપર પ્રતિબંધ લગાવી દીધો છે. એમાની કેટલીક એપ એવી છે કે, જે તમને મોબાઇલમાં આસાનીથી મળી જાય છે. સુત્રો દ્વારા મળેલી માહિતી મુજબ પ્રૌદ્યોગિકી મંત્રાલયે અનેક ફરિયાદો મળી રહી હતી. આ એપ્સ ભારતીય સુરક્ષા અને અખંડિતતા પર ઘાતક હુમલો કરી રહી હતી. ચીન આ એપની મદદથી ભારતની એકતા સામે છેડછાટ કરી શકે તેમ હતું. ભારતીય ગુપ્તચર એજન્સીઓએ સરકારને આ એપની યાદી અગાઉથી સોંપી દીધી હતી. તે પછી સરકારે તેના સ્તર પર આ એપની માહિતી મેળવી અને જ્યારે તેને લાગ્યું કે ખરેખર આ એપ ભારતીય સુરક્ષા માટે ખતરા સમાન છે ત્યારે તેણે તેના પર પ્રતિબંધ મુકવાનો નિર્ણય કર્યો હતો.

(12:00 am IST)
  • એક નવો ચીની ખતરો : ચીનના વૈજ્ઞાનિકોએ ફ્લૂના જેવો જ એક નવો વાયરસ શોધ્યો છે જે કોરોના વાયરસની જેમ મહામારીનું રૂપ ધારણ કરી શકે છે. આ વાયરસ G4 EA H1N1ના નામથી ઓળખાય છે. આ ફ્લૂનો વાયરસ ભૂંડમાંથી મળ્યો છે. વૈજ્ઞાનિકોનું માનવું છે કે તે માણસોને પણ સંક્રમિત કરી શકે છે. શોધકર્તાઓને ડર છે કે આ નવો વાયરસ અને વધારે મ્યૂટેટ થઈને સરળતાથી એક વ્યક્તિથી અન્ય વ્યક્તિમાં ફેલાઈ શકે છે. access_time 9:03 am IST

  • પુત્રીના લગ્ન પાછળ ૬૦૦ લાખ પાઉન્ડ ખર્ચનાર અને અરબોપતિ એલ.એન. મીતલના નાનાભાઇએ દેવાળુ ફુંકયાનું જાહેર કર્યું access_time 3:53 pm IST

  • ભારતમાં કોરોનાનો કહેર યથાવત : છેલ્લા 24 કલાકમાં 18,256 નવા કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 5,85,792 કેસ: 2,20,480 એક્ટિવ કેસ :કુલ 3,47,836 દર્દીઓ રિકવર થયા :વધુ 506 લોકોના મોત સાથે કુલ મૃત્યુઆંક 17,410 થયો :મહારાષ્ટ્રમાં સૌથી વધુ નવા 4878 કેસ સાથે કુલ કેસની સંખ્યા 1,74,761 થઇ: તામિલનાડુમાં નવા 3943 કેસ :દિલ્હીમાં વધુ 2199 કેસ નોંધાયા: કર્ણાટકમાં 947 નવા કેસ : તેલંગાણામાં નવા 945 કેસ :આંધ્ર પ્રદેશમાં વધુ 704 કેસ નોંધાયા access_time 12:59 am IST