Gujarati News

Gujarati News

News of Wednesday, 30th May 2018

કેજરીવાલના પગલે દિગ્‍વિજયઃ ગડકરીના પગે પડી ગયા

નીતિન ગડકરી નેતાને બદલે વધુ વેપારી છેઃ ટીપ્‍પણી કરવી ભારે પડી

નવી દિલ્‍હી તા. ૩૦ :.. દિલ્‍હીના મુખ્‍યમંત્રી અરવિંદ કેજરીવાલે કોર્ટમાં ચાલી રહેલા માનહાનીના કેસને ઉકેલવા માટે નેતાઓની માફી માંગી હતી. કોંગ્રેસના વરિષ્‍ઠ નેતા દિગ્‍વિજયસિંહે પણ કેજરીવાલનું અનુસરણ કરીને કેન્‍દ્રીય મંત્રી નીતિન ગડકરીની માફી માંગી છે દિગ્‍વિજયસિંહે કેન્‍દ્રીય મંત્રી નિતીન ગડકરી પર એક કોલસા કારોબારી સાથેના સંબંધના આરોપ લગાવ્‍યા હતા તેઓએ ગડકરીને નેતા ઓછા પણ વધુ વેપારી ગણાવ્‍યા હતાં. તેના પર ગડકરીએ દિગ્‍વિજયસિંહ પર માનહાનીનો મામલો દાખલ કર્યો હતો. ગઇકાલે દિગ્‍વિજય સિંહે પોતાના આરોપો પર નિતિન ગડકરીની માફી માંગી છે. કોંગ્રેસી નેતા દ્વારા માફી માંગ્‍યા બાદ ગડકરીએ પણ સિંહ વિરૂધ્‍ધ દાખલ કરેલી અરજીને પાછી ખેંચી લીધી છે.

આ મામલો ર૦૧ર નો છે તે સમયે નીતિન ગડકરીને ભાજપ અધ્‍યક્ષ બનાવાયા હતાં. નિતીન ગડકરીને ભાજપના અધ્‍યક્ષ બનાવાયા પર કોંગ્રેસના વરિષ્‍ઠ નેતા દિગ્‍વિજયસિંહે કહયું હતું કે ગડકરી નેતાથી વધુ કારોબારી છે. દિગ્‍વિજયસિંહ નીતિન ગડકરી પર એક કોલસા વેપારીના નજીકના સંબંધ હોવા અને લાભ લઇને વેપારીને કોલસા ફાળવણી કરવાનો પણ આરોપ લગાવ્‍યો હતો.

નીતિન ગડકરીએ આ આરોપોને ફગાવીને દિગ્‍વિજયસિંહ પર માનહાનીનો કેસ દાખલ કર્યો હતો. મામલો એટલો ગંભીર હતો કે દિગ્‍વિજયસિંહને કોર્ટમાં રજૂ થઇને જામીન કરાવ્‍યા પડયા હતાં. ત્‍યારે આ મામલો કોર્ટમાં ચાલી રહ્યો હતો. આ અંગે સિંહ અનેક વાર કોર્ટમાં પણ રજૂ થયા હતાં.

અંતે દિગ્‍વિજય સિંહે આ મામલે નીતિન ગડકરીની માફી માગી લીધી છે. અને સિંહે પોતાના નિવેદન પર ખેદ પ્રગટ કર્યો. અંતે બંને નેતાઓ વચ્‍ચે છેલ્લા ૬ વર્ષોથી ચાલી રહેલા વિવાદનો અંત થયો છે.

(2:51 pm IST)
  • દિલ્હીના માલવીયાનગર રહેણાક વિસ્તારમાં છેલ્લા ૧૨ કલાકથી, એક ગોડાઉનમાં લાગેલી વિકરાળ આગ હજુ બેકાબૂ : હજુ સુધી આગ પર કાબુ મેળવી શકાયો નથી : ફાયરબ્રિગેડ તંત્રએ આગ બુઝાવવા માટે હેલીકોપ્ટરની મદદની માંગણી કરી : ગોડાઉનની આસપાસના ઘરોમાં રહેતા લોકોમાં નચી ગઈ અફરાતફરી access_time 9:05 am IST

  • બેલ્જીયમમાં શંકાસ્પદ આતંકવાદી હુમલામાં બે પોલીસકર્મી સહીત ત્રણના મોત :બંદૂકધારીએ એક વ્યક્તિની હત્યા પહેલા બે પોલીસકર્મીને ગોળી મારી દીધી :સ્કૂલમાં તેને એક વ્યક્તિને બંધક પણ બનાવી ;પોલીસે હુમલાખોરને ઠાર કર્યો :આ ઘટના પૂર્વી ઔદ્યોગિક શહેર લીઝમાં બની હતી access_time 1:17 am IST

  • સુરત બીટકોઈન કૌભાંડ મામલો : શૈલેષ ભટ્ટના ભાણેજ, નિકુંજ ભટ્ટ પાસેથી CID ક્રાઇમે 55 લાખ ની કિંમતના વધુ 11 બીટકોઈન રિકવર કર્યા. અત્યાર સુધી સીઆઇડી ક્રાઇમે 160થી વધુ બિટકોઇન રિકવર કર્યા છે, જેની અંદાજી કુલ કિંમત રૂ. 9 કરોડ અંકાય છે. access_time 5:37 am IST