Gujarati News

Gujarati News

News of Friday, 30th April 2021

ભરતપુરનો એક યુવક દુલ્હનને હેલિકોપ્ટરમાં ઘરે લઈને ગયો

પત્નીની ઈચ્છા પૂરી કરવા પતિએ અજીબ કામ કર્યું : હેલિકોપ્ટરના ટેક ઑફ દરમિયાન પોલીસ પણ જોવા મળી કારણ કે હેલિકોપ્ટરને જોવા માટે મોટી ભીડ એકઠી થઈ હતી

ભરતપુર, તા. ૨૯ : પત્નીના સપના પુરા કરવા પતિની ફરજ બનતી હોય છે ત્યારે રાજસ્થાનના એક યુવકે પોતાની ભાવી પત્નીનું સપનુ પુરુ કરવા માટે અજીબોગરીબ કામ કર્યું હતું. રાજસ્થાનના ભરતપુરના એક યુવકે લગ્ન બાદ તે તેની દુલ્હનને હેલિકોપ્ટરમાં ઘરે લઈ ગયો હતો. ભરતપુર જિલ્લાના રાયપુર ગામનો સિયારામ ગુર્જર સોમવારે હેલિકોપ્ટર લઈને દુલ્હનને લેવા માટે ગયો હતો. જે બાદમાં મંગળવારે તે તેની દુલ્હન સાથે હેલિકોપ્ટરમાં પરત ફર્યો હતો.

ખેડૂત પુત્ર સિયારામ હેલિકોપ્ટરમાં તેની દુલ્હનને લેવા માટે પહોંચ્યો હતો. હેલિકોપ્ટરમાં તેની સાથે તેનો ભાઈ કરતારસિંહ અને બનેવી રામપ્રસાદ હતા. હેલિકોપ્ટરના ટેક ઑફ દરમિયાન પોલીસ પણ જોવા મળી હતી. કારણ કે હેલિકોપ્ટરને જોવા માટે મોટી ભીડ એકઠી થઈ હતી. જેના પગલે કોવિડ-૧૯ની માર્ગદર્શિકાનું ઉલ્લંઘન થઈ રહ્યું હતું.

મીડિયા સાથેની વાતચીતમાં ગુર્જરે જણાવ્યું હતું કે, તેની પત્ની રમાનું સપનું હતું કે તે તેની સાથે હેલિકોપ્ટરમાં બેસીને સાસરે આવે. કારણે તેણે હેલિકોપ્ટર ભાડે રાખ્યું હતું. માટે તેણે સાત લાખ રૂપિયા ચૂકવ્યા હતા. રમાએ પણ જણાવ્યું હું કે, મારું સપનું હતું કે હું હેલિકોપ્ટરમાં સવાર થઈને મારી સાસરીમાં જાઉં. મારું સપનું પૂર્ણ થયું છે.

જોકે, શરૂઆતમાં જિલ્લા કલેક્ટર અને સીએમએચઓએ દુલ્હાની હેલિકોપ્ટર ભાડે કરવાની અરજી ફગાવી દીધી હતી. માટે કોરોનાના વધી રહેલા કેસનું બહાનું આગળ ધરવામાં આવ્યું હતું. જોકે, બાદમાં અમુક શરતો સાથે મંજૂરી આપવામાં આવી હતી. દુલ્હાએ પણ તમામ શરતોનું પાલન કર્યું હતું. હેલિકોપ્ટર લઈને આવી પહોંચેલો દુલ્હો અને દુલ્હનની આવી રીતે થયેલી વિદાય હાલ ગામમાં ચર્ચાનો વિષય બન્યાં છે.

(12:00 am IST)