શ્રીનગર,તા.૩૦ : કોંગ્રેસની ભારત જોડો યાત્રા આજે સમાપ્ત થઈ રહી છે. રાહુલ ગાંધીના નેતળત્વમાં કોંગ્રેસની ભારત જોડો યાત્રા આજે એટલે કે સોમવાર ૩૦ જાન્યુઆરીએ સમાપ્ત થઈ રહી છે. તમિલનાડુના કન્યાકુમારીથી શરૂ થયેલી આ યાત્રા ૧૪૫ દિવસમાં લગભગ ૪૦૦૦ કિલોમીટરનું અંતર કાપીને ૧૨ રાજ્યો અને બે કેન્દ્રશાસિત પ્રદેશોમાંથી પસાર થઈને જમ્મુ અને કાશ્મીરની રાજધાની શ્રીનગર પહોંચી હતી. જ્યાં રાહુલ ગાંધીએ રવિવારે ઐતિહાસિક લાલ ચોકમાં તિરંગો લહેરાવ્યો હતો અને કહ્યું હતું કે, ભારતને આપેલું વચન પૂરું થયું છે. તેમણે આ પ્રવાસને તેમના જીવનનો સૌથી ગહન અને સુંદર અનુભવ ગણાવ્યો હતો.
ભારત જોડો યાત્રાએ ૧૨ રાજ્યો અને બે કેન્દ્રશાસિત પ્રદેશોમાંથી પસાર થતા ૪,૦૮૦ કિલોમીટરનું અંતર કાપ્યું હતું. આ દરમિયાન રાહુલ ગાંધીએ ૧૨ જાહેરસભાઓ, ૧૦૦થી વધુ સભાઓ, ૧૩ પ્રેસ કોન્ફરન્સને સંબોધિત કરી હતી. આ યાત્રા તામિલનાડુ, કેરળ, કર્ણાટક, તેલંગાણા, આંધ્ર-દેશ, મહારાષ્ટ્ર, મધ્યપ્રદેશ, રાજસ્થાન, હરિયાણા, દિલ્હી, ઉત્તર પ્રદેશ, પંજાબ, હિમાચલ પ્રદેશ અને જમ્મુ-કાશ્મીરમાંથી પસાર થઈ હતી.
સોમવારે કોંગ્રેસ અધ્યક્ષ મલ્લિકાર્જુન ખડગે શ્રીનગરમાં કોંગ્રેસના મુખ્યાલયમાં રાષ્ટ્રધ્વજ ફરકાવશે અને ભારત જોડો યાત્રા સ્મારકનું અનાવરણ કરશે. બાદમાં એસકે સ્ટેડિયમમાં એક જાહેર સભા પણ યોજાશે, જેના માટે કોંગ્રેસ દ્વારા લગભગ બે ડઝન વિપક્ષી રાજકીય પક્ષોને આમંત્રણ આપવામાં આવ્યું છે. જોકે હજુ સુધી પાર્ટી હાઈકમાન્ડ દ્વારા એ વાતની પુષ્ટિ કરવામાં આવી નથી કે, યાત્રાના સમાપન કાર્યક્રમમાં પાર્ટીના કેટલા નેતાઓ ભાગ લેશે. પરંતુ મલ્લિકાર્જુન ખડગેએ ગળહમંત્રી અમિત શાહને પત્ર લખીને બેઠક માટે યોગ્ય સુરક્ષા વ્યવસ્થાની માંગ કરી છે.
મહત્વનું છે કે, ગઈકાલે એટલે કે રવિવારે લાલ ચોકમાં ત્રિરંગો લહેરાવવાના ૧૦ મિનિટના કાર્યક્રમ માટે સઘન સુરક્ષા હતી. શહેર માટે સાંકેતિક મહત્વ ધરાવતા ચોક તરફ જતા એક કિલોમીટરની ત્રિજ્યામાંના તમામ રસ્તાઓ શનિવાર રાતથી બંધ કરી દેવામાં આવ્યા હતા અને કોઈપણ વાહનની અવરજવરને મંજૂરી આપવામાં આવી ન હતી. સુરક્ષા કર્મચારીઓની ભારે તૈનાત સાથે તમામ એન્ટ્રી પોઈન્ટ પર બેરિકેડ લગાવવામાં આવ્યા હતા. આ સાથે કાંટાળા તારનો પણ ઉપયોગ કરવામાં આવ્યો હતો. તો દુકાનો, વ્યવસાયિક સંસ્થાઓ અને સાપ્તાહિક ચાંચડ બજારને પણ સુરક્ષા કારણોસર બંધ રાખવામાં આવ્યા હતા.
રાહુલે કહ્યું, આવા પ્રેમાળ પ્રતિભાવની અપેક્ષા નહોતી
મહત્વનું છે કે, રાહુલ ગાંધીએ પ્રેસ કોન્ફરન્સમાં કહ્યું કે તેમને ઘણું શીખવા અને સમજવા મળ્યું. તેમણે કહ્યું કે હું લાખો લોકોને મળ્યો, તેમની સાથે વાત કરી. તને સમજાવવા માટે મારી પાસે શબ્દો નથી. આ યાત્રાનો હેતુ ભારતને એક કરવાનો હતો, તે દેશભરમાં ફેલાયેલી નફરત અને હિંસા સામે હતો. અમને જબરજસ્ત પ્રતિસાદ મળ્યો છે. વાસ્તવમાં કોઈને પણ આવા -પ્રમાળ પ્રતિભાવની અપેક્ષા નહોતી.
મહત્વનું છે કે, વિશ્લેષકો અને નિષ્ણાતોના મતે ભારત જોડો યાત્રાએ ભલે કોંગ્રેસ અને રાહુલ ગાંધીની છબી સુધારવામાં મદદ કરી હોય પરંતુ ૨૦૨૪માં યોજાનારી લોકસભાની ચૂંટણી માટે પાર્ટીનો માર્ગ અનેક પડકારોથી ભરેલો છે. વાસ્તવમાં દેશની સૌથી જૂની પાર્ટી સામે સંગઠનનું પુનઃનિર્માણ કરવું એક મોટો પડકાર છે. પાર્ટીમાં નેતળત્વને લઈને ઝઘડો તાજેતરમાં સામે આવ્યો હતો. જોકે ફરી એકવાર કોંગ્રેસની કમાન બિન-ગાંધી પરિવારના હાથમાં છે, પરંતુ પાર્ટીના મોટા નેતાઓનું માનવું છે કે, આજે પણ નિર્ણયો ગાંધી પરિવાર જ લે છે. જે બાદ એવું કહેવામાં આવી રહ્યું છે કે, ભારત જોડો યાત્રાની સફળતાનો નિર્ણય ૨૦૨૪ની લોકસભા ચૂંટણીના પરિણામોથી થશે.
.png)
છેલ્લા 8 દિવસમાં સૌથી લોકપ્રિય
સૌરાષ્ટ્ર કચ્છ
સમાચાર ગુજરાત
દેશ-વિદેશ
ખેલ-જગત
ફિલ્મ જગત