Gujarati News

Gujarati News

News of Sunday, 29th November 2020

કેનેડામાં વસતા પંજાબના NRI વતનના ખેડૂતોની વહારે : દિલ્હીમાં શાંતિપૂર્વક દેખાવો કરી રહેલા ખેડૂતો ઉપર સરકારે કરેલા દમન સામે વિરોધ નોંધાવ્યો : લોકશાહીમાં શાંતિપૂર્ણ વિરોધ કરવાનો નાગરિકોનો અધિકાર છે : ખેડૂતોને મદદરૂપ થવા 50 હજાર કેનેડિયન ડોલર ( અંદાજે 25 લાખ રૂપિયા ) મોકલ્યા

ન્યુદિલ્હી : કૃષિ ધારાના વિરોધમાં પંજાબ સહિતના રાજ્યોમાંથી દેખાવો કરવા માટે દિલ્હી આવેલા ખેડૂતો ઉપર સરકારના દમન સામે વિદેશોમાં વસતા પંજાબ રાજ્યના ખેડૂતોએ ચિંતા વ્યક્ત કરી છે.

કેનેડા સહિતના દેશોમાં વસતા પંજાબના આ ખેડૂતો હવે ખુલ્લેઆમ પોતાના વતનીઓની વહારે આવી ગયા છે.તથા તેઓના ભોજન સહિતની વ્યવસ્થા માટે તથા  લંગરના આયોજન માટે કેનેડાના વર્લ્ડ ફાઇનાન્સ ગ્રુપના રાજા ધાલીવાલે 50 હજાર કેનેડિયન ડોલર એટલેકે અંદાજે  25 લાખ રૂપિયાનું ફંડ મોકલ્યું છે.જે ખાલસા એઇડના રવિ સિંઘને મોકલવામાં આવ્યું છે.

આ બાબતે રાજા ધાલીવાલે વિડિઓ વાઇરલ કરી વતનના ખેડૂતોને આર્થિક ,તથા રાજકીય સમર્થન આપવાની ઘોષણાં કરી છે.તથા વતનના ખેડૂતો માટે ચિંતા વ્યક્ત કરી છે.

કેનેડાના ડિફેન્સ મિનિસ્ટર હરજિત સજ્જન ,એનડીપી લીડર જગદીપ સિંઘ ,યુ.કે.ના એમ.પી.તનમનજીત સિંઘ ,તેમજ ઇટાલી ,યુ.એસ.,સહિતના જુદા જુદા દેશોમાં વસતા પંજાબના વતનીઓએ  કૃષિ ધારા વિરુદ્ધ શાંતિપૂર્ણ દેખાવો કરનાર ખેડૂતો ઉપર સરકારના દમનનો વિરોધ નોંધાવતા જણાવ્યું હતું કે લોકશાહીમાં શાંતિપૂર્ણ દેખાવો કરવાનો નાગરિકોનો હક્ક છે.અમે આ ખેડૂતોની સાથે છીએ તેવું ધ ટ્રિબ્યુન દ્વારા જાણવા મળે છે.

 

(8:30 pm IST)
  • કોલ માફિયા ઝપટેઃ CBIએ ૩ રાજયોમાં ૪૦ સ્થળે પાડયા દરોડા : CBIનો સપાટોઃ પ.બંગા, બિહાર, ઝારખંડમાં ૪૦ સ્થળે દરોડાઃ કોલ માફિયા ઝપટે ચડયાઃ કોલસાની દાણચોરી બંધ કરવા પગલું: અનેક લોકો અને કંપનીઓને ત્યાં કાર્યવાહી access_time 3:19 pm IST

  • જય જવાન જય કિશાન : ગઈકાલથી "ચૌધરીવ્યૂ" દ્વારા આ ફોટો સોશ્યલ મીડિયા પર ખૂબવાયરલ થયો છે. આ માટે ફોટોગ્રાફરો કેટલું જોખમ લે છે તે અનુમાન લગાવવું મુશ્કેલ છે. કેન્દ્રના કૃષિ કાયદા વિરુદ્ધ ચાલી રહેલ ખેડૂત આંદોલન દરમિયાન ગઈકાલે જ્યારે દિલ્હીની સિંઘુ સરહદની આજુબાજુથી પથ્થરો ફેંકાંઈ રહયા હતા, ત્યારે ફોટોગ્રાફર મિત્રો આ એક અનોખા ફોટો માટે આડશ સાથે કામ કરી રહ્યા હતા access_time 10:31 am IST

  • ભડકાઉ ભાષણ દેવા બદલ અક્બરુદીન ઓવેસી અને તેલંગણા ભાજપ અધ્યક્ષ બાંદી સંજય વિરુદ્ધ કોર્ટ કેસ : હુસેન સાગર તળાવના કાંઠે મુકાયેલી પૂર્વ વડાપ્રધાન પી.વી.નરસિંહરાવ ,તથા એન.ટી.રામરાવની સમાધિ હટાવી દેવાની ચીમકી મુદ્દે બબાલ : હૈદરાબાદ મ્યુનિ. કોર્પોરેશન ચૂંટણી પ્રચારમાં સામસામા ભડકાઉ નિવેદનો કર્યા access_time 6:08 pm IST