Gujarati News

Gujarati News

News of Sunday, 29th November 2020

દુબઇમાં યોજાનારી ક્રિકેટ ટુર્નામેન્ટની ટ્રોફીનું અનાવરણ

શેખ બદર અબ્દુલા, શેખ અહેમદ અલ હાસમી, ટુર્નામેન્ટના આયોજક પ્રિતેશ અનડકટ-સોનલબેન રાવલ સહિતનાની ઉપસ્થિતિ

(વિજય વસાણી દ્વારા) આટકોટ, તા. ર૮ : દુબઇ ખાતે આગામી ૧ ડીસેમ્બરથી ૧૦ ડીસેમ્બર સુધી યોજનારી ક્રિકેટ ટુર્નામેન્ટની ટ્રોફીનું તાજેતરમાં દુબઇના શેખ બદર અબ્દુલ્લા તથા શેખ અહેમદ અલ હાસમી, ટુર્નામેન્ટના આયોજક મૂળ રાજકોટના અને હાલ દુબઇ સ્થાયી થયેલા પ્રિતેશ અનડકટ તથા સોનલબેન રાવલ, અન્ય ટીમોના સંચાલકો તેમજ પ્લેયરોની હાજરીમાં અનાવરણ કરવામાં આવ્યું હતું.

આ ટુર્નામેન્ટમાં કુલ છ ટીમો ભાગ લઇ રહી છે. જેમાં રાજકોટ શહેર, અમદાવાદ લાયન્સ, સ્પેડેક્ષ-૧૧, બરોડા કિંગ્સ, બોમ્બે ડેક્કન અને સુલ્તાન ઓફ સુરત વચ્ચે જંગ જામશે.

દુબઇ ખાતે ગુજરાતીઓ માટે અવારનવાર જુદા જુદા કાર્યક્રમોનું આયોજન કરતા સોનલબેન રાવલ અને પ્રિતેશભાઇ અનડકટ દ્વારા ગુજરાતીઓ માટે ક્રિકેટ ટુર્નામેન્ટનું આયોજન કર્યું છે.

ટુર્નામેન્ટમાં વિજેતા ટીમને લાખેણા પુરસ્કાર આપવામાં આવશે. તેમજ મેન ઓફ ધ મેચો સહિતના પુરસ્કારો રાખવામાં આવ્યા છે.

તાજેતરમાં જ દુબઇ ખાતે યોજાયેલ આઇ.પી.એલ.ની ટુર્નામેન્ટ જે સ્ટેડીયમમાં રમાઇ હતી તેજ સ્ટેડીયમમાં ગુજરાતી વચ્ચે યોજાનારી આ ટુર્નામેન્ટ રમાડવામાં આવશે.

આ ટુર્નામેન્ટે દુબઇમાં વસતા ગુજરાતીઓમાં સારૂ આકર્ષણ જણાવ્યું છે.

(10:41 am IST)
  • ભડકાઉ ભાષણ દેવા બદલ અક્બરુદીન ઓવેસી અને તેલંગણા ભાજપ અધ્યક્ષ બાંદી સંજય વિરુદ્ધ કોર્ટ કેસ : હુસેન સાગર તળાવના કાંઠે મુકાયેલી પૂર્વ વડાપ્રધાન પી.વી.નરસિંહરાવ ,તથા એન.ટી.રામરાવની સમાધિ હટાવી દેવાની ચીમકી મુદ્દે બબાલ : હૈદરાબાદ મ્યુનિ. કોર્પોરેશન ચૂંટણી પ્રચારમાં સામસામા ભડકાઉ નિવેદનો કર્યા access_time 6:08 pm IST

  • સુરતના ઔધોગીક વિસ્તારમાં વિજિલન્સ ટીમનો સપાટો: વીજ ચોરી કરતી 4 કંપનીઓ સામે આકરી કાર્યવાહી: ચારેય કંપનીમાંથી 2.98 કરોડની વીજ ચોરી ઝડપાઇ: કડક કાર્યવાહીને પગલે વીજચોરોમાં ફફડાટ access_time 1:10 pm IST

  • ઈરાની ચક્રાવાત નિવારના પસાર થયા બાદ હવે તેની અસર દેખાઈ : આગામી 24થી 36 કલાક સુધી ભારતના કેટલાક વિસ્તારોમાં વરસાદની શક્યતા : ઠંડીનું જોર પણ વધશે : હવામાન વિભાગની આગાહી access_time 1:02 pm IST