Gujarati News

Gujarati News

News of Sunday, 29th November 2020

કોવિદ - 19 : ફ્રન્ટલાઈન હીરોનું સન્માન : યુનાઇટેડ ગુજરાતી ક્રિશ્ચિયન ઓફ અમેરિકા ( UGCOA ) દ્વારા યુ.એસ.એ.અને કેનેડામાં વસતા ગુજરાતી સમાજના 200 જેટલા ફ્રન્ટલાઈન હીરોનું પ્રમાણપત્ર આપીને સન્માન કરાયું

વોશિંગટન : તાજેતરમાં યુનાઇટેડ ગુજરાતી ક્રિશ્ચિયન ઓફ અમેરિકા ( UGCOA ) દ્વારા યુ.એસ.એ.અને  કેનેડામાં વસતા ગુજરાતી સમાજના 200 જેટલા ફ્રન્ટલાઈન હીરોનું પ્રમાણપત્ર આપીને સન્માન કરાયું હતું .

વર્ષ 2020 માં વિશ્વ વ્યાપી કોવિદ -19 રોગચાળા દરમિયાન ઘણી મુશ્કેલીઓ અને આરોગ્યના જોખમો હોવા છતાં હોસ્પિટલમાં ,પોલીસ ડિપાર્ટમેન્ટમાં ,દવાની ફાર્મસીમાં ,વગેરે જગ્યાએ ફ્રન્ટલાઈનમાં ખડે પગે ઉભા રહીને તેઓએ  ફરજ બજાવી છે.ત્યારે સમાજના આવા ફ્રન્ટલાઈન હીરોને યાદ કરીને સમાજ વતી UGCOA  એ આ થેન્કસ ગિવિંગ ઉપર દરેકને એક સર્ટિફિકેટ ઓફ એપ્રિસિએશન તથા ઍમૅઝૉનનું ઈ -ગિફ્ટ કાર્ડ ઈમેલ મારફતે મોકલી આપ્યું છે.

ન્યુયોર્ક ,ન્યુજર્સી ,પેન્સિલવેનિયા ,ડેલાવર ,ફ્લોરિડા ,ટેક્સાસ ,કેલિફોર્નિયા ,અને કેનેડામાં વસતા લગભગ 200 થી વધારે લોકોએ આ સંસ્થા અને સંસ્થાના દાનવીરો દ્વારા તેમની સેવાઓની કદર કરવા બદલ પુષ્કળ આભાર માન્યો છે.અને જણાવ્યું છે કે આનાથી તેઓને ખુબ જ પ્રોત્સાહન મળ્યું છે.સમાજે તેમની સેવાને યાદ કરી છે.

ઉલ્લેખનીય છે કે યુનાઇટેડ ગુજરાતી ક્રિશ્ચિયન ઓફ અમેરિકા ( UGCOA  ) એ 501 c 3 નોનપ્રોફિટ સંસ્થા છે જેના વિષે વધારે માહિતી www.ugcoa.com પરથી મેળવી શકાય છે.અથવા whatsapp 1-267-580-9091 દ્વારા મેળવી શકાય છે.તેવું જાણવા મળે છે.

(10:06 am IST)
  • ઇસ્લામાબાદમાં ફ્રેન્ચ દૂતાવાસમાં આગનું છમકલું : પાકિસ્તાનની રાજધાની ઇસ્લામાબાદમાં ફ્રેન્ચ દૂતાવાસમાં આગ લાગવાની ઘટના બંધ છે સ્થાનિક ચેનલના કહેવા મુજબ આગને તુરત જ ઠારી દેવામાં આવી હતી અને આગ કાબૂમાં આવી ગઈ છે. access_time 10:28 am IST

  • રાજકોટમાં હેર સલુનોમાં કોરોના ટેસ્ટીંગ શરૂ : કોરોના સંક્રમણ રોકવા આજથી શહેરના હેર સલુનોમાં ચેકીંગ શરૂ કરાયાનું જાણવા મળ્યુ છે access_time 3:46 pm IST

  • દેશમાં કોરોનાના કેસનો કુલ આંકડો 94 લાખને પાર પહોંચ્યો : મૃત્યુઆંક 1.37 લાખથી વધુ :રાત્રે 11 વાગ્યા સુધીમાં કોરોનાના નવા 37,685 કેસ નોંધાયા:કુલ કેસની સંખ્યા 94, 30,724 થઇ :એક્ટીવ કેસ 4,46,658 થયા : વધુ 43,590 દર્દીઓ સ્વસ્થ થતા કુલ 88,44,751 રિકવર થયા :વધુ 419 લોકોના મોત સાથે કુલ મૃત્યુઆંક 1,37,152 થયો access_time 12:08 am IST