Gujarati News

Gujarati News

News of Thursday, 29th October 2020

ઓબામા સૌથી વધુ ટ્વિટર ફોલોઅર્સ ધરાવતા સેલિબ્રિટી: પીએમ મોદી ટોપ 10માં પણ નહીં

વિશ્વમાં ઓબામાના સૌથી વધુ ૧૨.૪૦ કરોડ ટ્વિટર ફોલોઅર્સ: ટ્રમ્પના ફોલોઅર્સનો આંકડો ૮.૭ કરોડ :મોદીના ફોલોઅર ૬.૩ કરોડથી વધૂ

નવી દિલ્હી : સોશિયલ મીડિયા રાજકિય બયાનબાજીનું મોટું હથિયાર બની ગયું છે. ટ્વિટર પરના ૨૮૦ કેરેકટર ઘણી વાર મોટી ઉથલપાથલ કરતા હોય છે. વિશ્વમાં સૌથી વધુ ૧૨.૪૦ કરોડ ટ્વિટર ફોલોઅર્સ અમેરિકાના પૂર્વ રાષ્ટ્રપતિ બરાક ઓબામા ધરાવે છે. અમેરિકાના રાષ્ટ્રપતિ ડોનાલ્ડ ટ્રમ્પના ફોલોઅર્સનો આંકડો ૮.૭ કરોડ છે. ભારતના વડાપ્રધાન  મોદીના ફોલોઅર ૬.૩ કરોડથી વધારે છે.

તૂર્કીના રાષ્ટ્રપતિ રેચપ તાઇયેપ એર્દોવાન ટ્વિટર પર ૧.૬૩ કરોડ ફોલોવર્સ ધરાવે છે. આરબ જગતના મસિહા બનવાનો અભરખો ધરાવતા એર્દોવાન તેમના સ્ફોટક ટવીટ્ માટે જાણીતા છે. તૂર્કીના રાજકીય માહોલમાં પોતાનો પક્ષ અને મત આ સોશિયલ મીડિયાના માધ્યમથી વ્યકત કરતા રહે છે. જોકો વિડોડો ઇન્ડોનેશિયાના રાષ્ટ્રપતિ પણ સોશિયલ મીડિયા એકાઉન્ટનો ભરપૂર ઉપયોગ કરે છે. તેમના ટવીટર્ પર ૧.૪ કરોડ ફોલોવર્સ છે.

બિન રાજકિય ક્ષેત્રની સેલિબ્રિટીની વાત કરીએ તો બરાક આબામા પછી મ્યૂઝિશિયન જસ્ટીન બિબર, કેટી પેરી અને રિહાના ટ્વિટર ફોલોવર્સમાં ખૂબજ આગળ છે. ફૂટબોલ ખેલાડી ક્રિસ્ટિનો રોનાલ્ડો ડોનાલ્ડ ટ્રમ્પ કરતા પણ વધારે ફોલોઅર્સ ધરાવે છે. ટ્વિટરના ટોપ ટેન ફોલોવર્સમાં ૮૦ ટકા સેલિબ્રેટીઓ મ્યૂઝિક અને એકટિંગ ફિલ્ડ સાથે સંકળાયેલી છે

(11:34 am IST)
  • કેરાળાના પૂર્વ મુખ્ય સચિવની ઈડીએ ધરપકડ કરી: કેરાળાના ગોલ્ડ સ્મગલિંગ કેસમાં પૂર્વ મુખ્ય સચિવ અને સસ્પેન્ડ કરાયેલા આઈએએસ ઓફિસર એમ શિવશંકરની ઈડીએ ધરપકડ કરી છે. access_time 11:38 am IST

  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • અમિતભાઈ શાહે ફોન કરી કેશુભાઈ પરિવારજનોને સાંત્વના પાઠવી : કેન્દ્રીય ગૃહમંત્રી અમિતભાઈ શાહે કેશુભાઈ પટેલના પરિવારજનોને ફોન કરી શોક વ્યકત કરતાં કહ્યું કે કેશુભાઈએ તેનું સમગ્ર જીવન ગુજરાતની જનતાની સેવામાં સમર્પિત કર્યુ હતું. તેમના પરિવારજનોને સાંત્વના પાઠવું છું. access_time 4:01 pm IST