Gujarati News

(મુકુંદ બદિયાણી દ્વારા) જામનગર તા. ૨૯ : રિલાયન્સ ફાઉન્ડેશન અને યુ.એસ. એજન્સી ફોર ઇન્ટરનેશનલ ડેવલપમેન્ટ (USAID) દ્વારા શરૂ કરવામાં આવેલી વુમનકનેકટ ચેલેન્જ, ઇન્ડિયા હેઠળ નાણાકીય સહાય મેળવનારી દસ સંસ્થાઓની પસંદગી કરવામાં આવી છે. આ પહેલ થકી, પુરુષ અને મહિલાઓ વચ્ચે ડિજિટલ અસમાનતા દૂર કરવા માટે રૂ. ૧૧ કરોડ (૧.૫ મિલિયન અમેરિકી ડોલરથી વધુ)નું મૂડીરોકાણ કરવામાં આવશે, જેમાં રિલાયન્સ ફાઉન્ડેશન અસમાનતા દૂર કરવા માટેના નવીનત્ત્।મ ઉપાયો અમલી બનાવનારી સંસ્થાઓને રૂ. ૮.૫ કરોડ (અંદાજે ૧.૧ મિલિયન અમેરિકી ડોલરથી વધુ)નું અનુદાન આપશે. પુરુષની સરખામણીએ મહિલાઓમાં ડિજિટલ અસમાનતાઓ દૂર કરવાના પ્રયાસો અને ટેકનોલોજી દ્વારા મહિલાઓનું આર્થિક સશકતીકરણ કરવાની અનેક પહેલ હેઠળ ત્રણ લાખ (૩૦૦,૦૦૦)થી વધુ મહિલાઓ અને બાળકીઓને ૧૮ વધુ રાજયોમાં લાભ પહોંચશે.

આ જાહેરાત અંગે બોલતાં શ્રીમતી નીતા એમ. અંબાણી, સ્થાપક-અધ્યક્ષા, રિલાયન્સ ફાઉન્ડેશને જણાવ્યું કે, 'જીવનના દરેક ક્ષેત્રમાં મહિલાઓને સક્ષમ અને સશકત બનાવવાનું અમારું મિશન રહ્યું છે. જયારે અમે જિયોની શરૂઆત કરી ત્યારે અમે જે ડિજિટલ ક્રાંતિની કલ્પના કરી હતી તે દરેકને સમાન તક આપે તેવી કલ્પના હતી. જિયો થકી અમે આપણા દેશના દરેક ખૂણે પોસાય તેવી કનેકિટવિટી પૂરી પાડી રહ્યા છીએ. ભારતમાં પુરુષ અને મહિલાઓ વચ્ચે ડિજિટલ જાણકારીની અસમાનતા દૂર કરવા માટે રિલાયન્સ ફાઉન્ડેશન USAID સાથે ભાગીદારી કરીને કામ કરી રહ્યું છે. અસમાનતા દૂર કરવા માટે ટેકનોલોજી એક સશકત માધ્યમ છે. પરિવર્તનની આ સફરમાં વુમનકનેકટ ચેલેન્જ ઇન્ડિયાના દસ વિજેતાઓને અભિનંદન આપું છું અને તેમને આવકારું છું.'

ચેલેન્જના દસ વિજેતાઓમાં અનુદીપ ફાઉન્ડેશન, બેરફૂટ કોલેજ ઇન્ટરનેશનલ, સેન્ટર ફોર યુથ એન્ડ સોશિયલ ડેવલપમેન્ટ, ફ્રેન્ડ્સ ઓફ વુમન્સ વર્લ્ડ બેન્કિંગ, નાન્દી ફાઉન્ડેશન, પ્રોફેશનલ આસિસ્ટન્ટ ફોર ડેવલપમેન્ટ એકશન, સોસાયટી ફોર ડેવલપમેન્ટ ઓલ્ટરનેટિવ્સ, સોલિડરિડેડ રિજિયોનલ એકસપર્ટાઇઝ સેન્ટર, ટીએનએસ ઇન્ડિયા ફાઉન્ડેશન અને ઝેડએમકયૂ ડેવલપમેન્ટનો સમાવેશ થાય છે. મહિલા ખેડૂતો, ઉદ્યોગસાહસિકો અને સેલ્ફ હેલ્પ ગ્રૂપ્સની મહિલાઓમાં ડિજિટલ અસમાનતાઓ દૂર કરવા માટે નવીનત્ત્।મ ઉપાયો થકી મદદ કરવામાં આવશે. ધ વુમનકનેકટ ચેલેન્જ ઇન્ડિયા ઓગસ્ટ ૨૦૨૦માં શરૂ કરવામાં આવી હતી. ૧૮૦ અરજીકર્તા સંસ્થાઓમાંથી ૧૦ સંસ્થાઓને ૧૨થી ૧૫ મહિનાના સમયગાળા દરમિયાન રૂ. ૭૫ લાખથી એક કરોડ સુધીની સહાય પૂરી પાડવા માટે પસંદ કરવામાં આવી છે. જાન્યુઆરી ૨૦૨૧માં USAID અને રિલાયન્સ ફાઉન્ડેશને સંયુકત રીતે સોલ્વર સિમ્પોસિયમનું આયોજન કરીને સેમિફાઇનલિસ્ટ્સને એકત્રિત કર્યા હતા અને સ્વતંત્ર નિષ્ણાતોએ ભારતમાં ડિજિટલ અસમાનતાના મુદ્દે ગહન ચર્ચાઓ કરી વિજેતાઓ નક્કી કરવાની પ્રક્રિયા હાથ ધરી હતી.

દર વર્ષે મહિલાઓમાં મોબાઇલ ઇન્ટરનેટ માટેની જાગૃતિ વધી રહી છે. વર્ષ ૨૦૧૭માં ભારતમાં મોબાઇલ ઇન્ટરનેટ વિશે માત્ર ૧૯ ટકા મહિલાઓ જાગૃત હતી; જયારે વર્ષ ૨૦૨૦માં મહિલાઓમાં આ જાગૃતિનું પ્રમાણ ૫૩ ટકા થયું હતું. જોકે, માલિકીપણાની વાત કરીએ તો ૭૯ ટકા પુરૂષોની સરખામણીએ મહિલાઓમાં મોબાઇલ ફોનની માલિકીનું પ્રમાણ ૬૭ ટકા છે. પાછલા વર્ષો દરમિયાન, રિલાયન્સ ફાઉન્ડેશને તેના પ્રયાસો થકી આ ડિજિટલ અસમાનતા દૂર કરવાનું બીડું ઝડપ્યું છે. રિલાયન્સ જિયો થકી ૧.૩ અબજ ભારતીયોએ સમગ્ર દેશમાં ડિજિટલ ક્રાંતિનો અનુભવ કર્યો છે અને તેણે અનેક જિંદગીઓ પરિવર્તિત કરી છે. આજે, જિયો ભારતમાં સૌથી મોટી ડિજિટલ સેવાઓ પૂરી પાડનારી કંપની બની છે અને સમગ્ર વિશ્વમાં બીજી સૌથી મોટી કંપની છે, જેમાં મહિલા જિયો યુઝર્સની સંખ્યા ૧૨૦ મિલિયન થવા જાય છે અને ડિજિટલ અસમાનતા ઘટાડવા માટે આ સંખ્યામાં ઝડપથી વધારો થઈ રહ્યો છે.

મહિલાઓમાં ટેકનોલોજીની પહોંચ અને તેના ઉપયોગના રસ્તાઓમાં મહત્વપૂર્ણ પરિવર્તનો લાવીને રોજબરોજની ગતિવિધિઓમાં તેમનું યોગદાન વધારવા માટેની વૈશ્વિક સ્તરની પહેલ એટલે ધ વુમનકનેકટ ચેલેન્જ. ભારતમાં પુરુષોની સરખામણીએ મહિલાઓની ડિજિટલ ક્ષેત્રની અસમાનતાઓ દૂર કરવા માટેના નવતર ઉપાયો હાથ ધરવા યુએસએઇડ અને રિલાયન્સ ફાઉન્ડેશન સહાય કરી રહ્યા છે. આ વખતની વિજેતા સંસ્થાઓ અગાઉ યોજાઈ ગયેલા વુમનકનેકટ રાઉન્ડની સિદ્ઘ થયેલી રણનીતિ પર ધ્યાન કેન્દ્રિત કરીને મહિલાઓનું આર્થિક સશકતીકરણ કરશે.