Gujarati News

Gujarati News

News of Tuesday, 29th September 2020

અમેરિકાના વડતાલધામ શ્રી સ્વામિનારાયણ હિન્દૂ મંદિર, હ્યુસ્ટન, ટેક્સાસ દ્વારા હાથ ધરાયેલી સેવાકીય પ્રવૃત્તિ : 500થી વધારે જરૂરિયાતમંદ લોકોને ગ્રોસરી કીટ અને પી.પી.ઇ કીટનું વિતરણ કરવામાં આવ્યું

ટેક્સાસ  : અત્યારે સમગ્ર વિશ્વમાં કોરોનાની મહામારીને હિસાબે લોકડાઉન વગેરે હોવાથી ઘણા લોકો બેરોજગાર બન્યા છે. ઘણા લોકો અસહાય બન્યા છે. એમને સહાયભૂત થવા વડતાલ ગાદીના પીઠાધિપતિ પરમ પૂજ્ય ધર્મ ધુરંધર 1008 આચાર્ય શ્રી અજેન્દ્રપ્રસાદજી મહારાજશ્રી તેમજ પરમ પૂજ્ય લાલજી મહારાજ શ્રી નૃગેન્દ્રપ્રસાદજી મહારાજશ્રીની પ્રેરણાથી વડતાલધામ અમેરિકાના આંગણે આકાર લઈ રહેલ વડતાલધામ મંદિર, હ્યુસ્ટન તથા  એસ.વી.જી ચેરિટી (SVG Charity)  દ્વારા સેવા ઇન્ટરનેશનલ (Sewa International Houston Chapter) અને દીપ ફૂડ(Deep Food)ના સાથ સહકારથી જરૂરિયાતમંદ લોકોને અનાજ કરીયાણાની કીટ તેમજ પી.પી.ઇ કીટ બનાવી વિતરણ કરવામાં આવી હતી.

આ પ્રસંગે ભારતના કોન્સ્યુલેટ જનરલ તેમજ શ્રી માન અસીમ મહાજન(Consul General of India Mr Aseem Mahajan), ફોર્ટ બેન્ડ કાઉન્ટીના જજ કેપી જ્યોર્જ (Fort Bend County Judge KP George) ઉપસ્થિત રહી સ્વયંસેવકોનો ઉત્સાહ વધાર્યો હતો અને આ સેવા કાર્યને બિરદાવ્યું હતું.

અત્રે ઉલ્લેખનીય છે કે સમયાંતરે વડતાલધામ હ્યુસ્ટન તથા એસ.વી.જી ચેરિટી (SVG Charity) દ્વારા આવા અનેક સેવાકાર્યો થઈ રહ્યા છે. અગાઉ પણ ફૂડ કીટ વિતરણ તેમજ પી.પી.ઈ. કીટ વિતરણની  અલગ-અલગ ડ્રાઈવ કરવામાં આવી હતી

આ સેવા કાર્યમાં જોડાવા માટે અમારો સંપર્ક કરો.
Website : www.svg .org/charity
Ph. : +1 (832) 875-2163 (મદનમોહન પટેલ) તેવું શ્રી મદનમોહન પટેલની યાદી જણાવે છે.

(1:34 pm IST)
  • દેશમાં કોરોનાના કહેર વચ્ચે રાહત : સતત ઘટતા નવા કેસ અને રિકવર થનારની વધતી સંખ્યા : રાત્રે 12 વાગ્યા સુધીમાં નવા 65,943 કેસ નોંધાયા : કુલ કેસની સંખ્યા 61,39,294 થઇ : હાલમાં 9,45,852 એક્ટીવ કેસ : વધુ 82,881 દર્દીઓ સ્વસ્થ થતા કુલ 50,96,260 રિકવર થયા : વધુ 746 લોકોના મોત સાથે મૃત્યુઆંક 96,322 થયો access_time 1:12 am IST

  • બિહારમાં ગઠબંધનનો દોર શરૂ :પપ્પુ યાદવની જન અધિકારી પાર્ટી, ચંન્દ્રશેખર આઝાદની આઝાદ સમાજ પાર્ટી, બીએમપી અને સોશિયલ ડેમોક્રેટિક પાર્ટી ઓફ ઈન્ડિયાએ સાથે મળીને પીડીએ( પ્રોગ્રેસિવ ડેમોક્રેટિક અલાયંસ) બનાવ્યુ: રાલોસપાના અધ્યક્ષ ઉપેન્દ્ર કુશવાહ સાથે વાતચીત ચાલુ: લોજપા અને કોંગ્રેસને પણ ગઠબંધનમાં સામેલ થવા કહેણ : પપ્પુ યાદવે કહ્યું રાજ્યમાં ચાલી રહેલા 30 વર્ષનું મહાપાપ હવે ખતમ થશે access_time 12:53 am IST

  • દેશમાં કોરોનાના કહેર વચ્ચે સતત ઘટતા નવા કેસ અને રિકવર થનારની વધતી સંખ્યા : રાત્રે 12 વાગ્યા સુધીમાં નવા 80,500 કેસ નોંધાયા:કુલ કેસની સંખ્યા 62,23,519 થઇ હાલમાં 9,40,473 એક્ટીવ કેસ: વધુ 86,061 દર્દીઓ સ્વસ્થ થતા કુલ 51,84,634 રિકવર થયા : વધુ 1178 લોકોના મોત સાથે મૃત્યુઆંક 97,529 થયો access_time 1:04 am IST